Déjà Vu

Mat en etleche Joer Ofstand gi Kult-Albummen aus der Geschicht vu Rock, Pop an Jazz nach emol ënnert d'Lupp geholl. Fir erëmzehéieren mat neien Oueren oder als Entdeckung fir déi, déi se deemools verpasst haten.

The Beatles - The BEATLES (The White Album)

U sech heescht den néngte Studioalbum vun de Beatles "The BEATLES", den Numm vun der Band a grousse Buschtawe geschriwwen. Et ass en Duebelalbum, Spilldauer iwwer 93 Minutten, e gëtt awer allgemeng wéinst dem wäissen, minimalistesch gehalene Cover op deem de Gruppennumm agestanzt ass, "The White Album", de wäissen Album genannt. Et ass deen éischte Bandalbum, deen um eegene Label Apple Records erauskënnt.

D'Inspiratioun fannen d'Museker, zesumme mat Kolleegen a Famill, an Indie während enger Meditatiounsphas, opgeholl gëtt méi spéit zu London. D'Band ass zerstridden a sech net eens iwwer de musikalesche Wee. Vill vun den 30 Lidder ginn net am Quartett opgeholl a sinn éischter Solokompositioun, wéi datt nach Band Spirit drastécht.

Um Duebelalbum fënnt ee Liichtes ("Obladi Oblada"), ale Rock 'n' Roll ("Back In The USSR"), experimentell Klangkollagen ("Revolution 9" vum Duo Lennon/Ono), kritesch Texter ("Piggies" vum Harrison) ... an och de Ringo Starr däerf eemol hanner de Mikro ("Don't Pass Me By", iwwerraschenderweis eng Nummer eent an Dänemark). De Fred Medernach kuckt zeréck.

 

Rezent Emissiounen

Dossieren

  • Festival de Cannes 2019

    Alleguer d'Artikele vum Festival de Cannes 2019.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen