Metal Meltdown

David Wagner

Eisen Hausmetaller David Wagner presentéiert Neiegkeeten aus der lokaler Metalzeen, Interviewe mat nationalen an internationale Museker, Album-Kritiken a Reviewe vu Concerten. Déi haartsten Emissioun um radio 100,7, Helm a Gurt si Pflicht!

Abstract Rapture

Release vun der Woch: Abstract Rapture - Hollow Motion (8/10)

6 Joer ass et hir, dass se hire leschten Album op d'Metalzeen lassgelooss hunn, haut ass et nees esou wäit. Abstract Rapture hunn hiren neien Album "Hollow Motion" um Start.. Dementspriechend héich waren d'Erwaardungen. Déi Erwaardunge goufe bei mir allerdéngs réischt no an no erfëllt. Beim éischte Lauschteren am Auto hat ech nämlech de Problem, dass ech déi Saachen, déi sech bei der Band geännert hunn, wéinst der dach bësse verschwommener Produktioun net immens gutt eraushéieren hunn an dowéinst der Meenung war, d'Band hätt sech ze vill virgeholl an et wier näischt ginn. Wéi ech dunn den Album bis eng zweete Kéier op enger anerer Anlag an an engem anere Kontext gelauschtert hunn, hunn ech réisct gemierkt, wéi falsch ech loung.

Wéi der vläicht matkritt hutt, sinn de fréiere Gittarist Yogy an de Bassist Stephen net méi dobäi a goufe vum Alex a vum Maks ersat, déi allenzwee bei Retrace MY Fragments gespillt hunn, bzw spillen. Vill méi technesch sinn Abstract doduerch zwar net ginn, ma et mierkt een, dass awer aner Leit um Songwriting bedeelegt waren, wéi op Earthcrush, well sech ënnert anerem nei Elementer an d'Musek mat ageschlach hunn, déi et fréier net wierklech gouf, wéi z. B. een instrumentalen Inderlude mat klassescher Gittar. Ma och bei de Riffer u sech stécht den Däiwel op dësem Album am Detail.

An dat sinn ebe Saachen, déi ech réischt mat Kopfhörer richteg eraushéieren hunn, an elo och am Auto héieren a schätze kann.

Glécklecherweis huet d'Band et och fäerdeg bruecht, dat ideaalt Gläichgewiicht tëscht neien Elementer an dem typeschen Abstract Rapture Geriffs ze behalen, a sou fillt ee sech als Abstract Fan schonn direkt beim Opener A Promise From The Ghouls wéi doheem.

A genee sou geet et och op de weidere Lidder virun. Déi bescht Stécker wéi Endless Chapter, Blood-Red Revolt oder Inner Plague sinn alleguer eng gesond Mëschung aus dem typeschen Abstract Spillspass, Groove a virtuose Soloen an den neien, bësse méi verzwickte Riffer, an et steet der Band immens gutt zu Gesiicht. De Quintett huet et op Hollow Motion fäerdeg bruecht, dat bescht vun Abstract ze huelen a Songwriting-technesch nach een drop ze setzen. De Spit ass op den Drums nach ëmmer genee esou dat virtuoost an tight Groove-Béischt, wéi ëmmer an den Dritt ass a Punkto Gesang nach méi staark a melodiéis ginn.

An a Punkto Groove an Heaviness gëtt et mat Hollow Soul och nach eng Léierstonn fir déi Bands, déi mengen et misst ee seng Gittare just méi déif stëmme fir heavy ze kléngen. Hollow Soul ass e richtegen Headbanger.

Mat Hollow Motion bidden Abstract Rapture hire Fans effektiv een Album, ob deen et sech gelount huet ze waarden. Eenzege Malus ass, wéi gesot d'Produktioun, déi ech ze vill schwammeg fannen. Doriwwer eraus kéinten d'Gittare bësse méi Sustain hunn. Mä dat ass Gemeckers op héijem Niveau an am Endeffekt och just Geschmackssaach.

Highlight vum Album ass iwwregens definitiv Inner Plague, gëtt ee bei deem Song dach staark un Dead End Entry, a gläichzäiteg u Satyricon erënnert.

Playlist

Metallica - Fight Fire With Fire

Dream Theater - Untethered Angel

The Spirit - Illuminate The Night Sky

Lovebites - Pledge Of The Savior

Kadinja - The Modern Rage

Abstract Rapture - Inner Plague

Nothgard - Guardians Of Sanity

Burning Witches - Open Your Mind

Korpiklaani - Kuin korpi nukkuva

Abstract Rapture - Blood Red Revolt

Allegaeon - Grey Matter Mechanics - Appassonata Ex Machinea

Rezent Emissiounen

  • Feradur

    Am Interview ass dës Kéier d'Band Feradur, déi den 22. Juni 2019 hiren neien Album "Legion" erausbréngen.

  • Per Wiberg

    Am Interview ass dës Woch de fréiere Keyboarder vun Opeth a Multiinstrumentalist Per Wiberg, deen am Mee säi solo-Debut erausbruecht huet.

  • Amon Amarth

    Am Interview d'Vikinger vun Amon Amarth, déi am Mee hiren neien Album "Berserker" erausbruecht hunn.

  • Kraton

  • Tëschegas

    Am Interview dës Kéier d'Minett Metaller vun Tëschegas, déi hiren neien Album "Stad, Land, Goss" virstellen.

  • Possessed

    Am Interview ass d'Death Metal Legend Jeff Becerra vu Possessed.

  • Witherfall

    Am Interview sinn de Gittarist an de Sänger vun der Band Witherfall, den Jake Dreyer an den Joseph Michael, et geet ëm hir nei EP "Vintage".

  • Metal Meltdown

    Am Interview sinn dës Woch d'Shadowhispers, déi iwwert hiren neie Projet "Metal & Pipes" schwätzen.

  • Metal Meltdown

    Nei Musek vun ënner anerem Amon Amarth, Allegaeon, Baroness an Asathor

  • Wacken 2019

    En Ausbléck op d'Highlights vum Wacken 2019

  • Metal Meltdown

    Nei Musek vun Antopomorphia, Children Of Bodom oder Mike Morton

  • Metal Meltdown

    Neits aus der Welt vum Metal, mat ënnert anerem In Flames, Devin Townsend a grand Magus.

  • Whitechapel

    Am Interview ass haut de Sänger vun den amerikaneschen Deathcore Veterane Whitechapel. Rieds geet iwwer hiren neien Album "The Valley".

  • Metal Meltdown

    Neits vun ënnert anerem In Flames, Inter Arma an Exumer.

  • Inzest

    Den 9. Februar kënnt den Debutalbum vun der Band Inzest eraus. "Collateral Damage" heescht en.

Programm

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen