Déjà Vu

Mat en etleche Joer Ofstand gi Kult-Albummen aus der Geschicht vu Rock, Pop an Jazz nach emol ënnert d'Lupp geholl. Fir erëmzehéieren mat neien Oueren oder als Entdeckung fir déi, déi se deemools verpasst haten.

Jacques Brel (8.4.1929 - 9.10.1978)

Jacques Brel - Les Marquises

De Jacques Brel gëtt just emol 49 Joer al. D'Marquisen, les îles Marquises, franséisch Polynesien gi sengem leschten Album den Titel. De Brel huet Longekriibs, weess ëm seng fragil Gesondheet. Hien enregistréiert zu Paräis, flitt dann erëm zeréck op seng Südsee-Insel, op déi hie sech zeréckgezunn huet, kënnt awer erëm an d'franséisch Haaptstad fir eng weider medezinesch Behandlung. Déi ass ëmsoss ass, hie stierft den 9. Oktober 1978 an der Klinik zu Bobigny.

Den Album verkeeft sech schonn am Virfeld iwwert eng Millioun Mol, jiddweree weess, datt et déi lescht Produktioun wäert sinn. Um Album fënnt een déi Sujeten, déi dem grousse Chansonnier zäitliewens um Häerz louchen: Bourgeoisie ("Les Remparts de Varsovie"), Gesellschaft ("Jaurès"), seng flämesch Landsleit ("Les F...") an awer och den noen Doud, ë. a. mam Titel "Vieillir".

Presentéiert vum Fred Medernach.

Rezent Emissiounen

Programm

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • CinÉast 2019

    Et ass déi zwieleften Editioun vum CinÉast Filmfestival. Vum 3. bis den 20. Oktober ginn iwwer 65 Featuren a 50 Kuerzfilmer aus 20 Länner aus Mëttel- an Osteuropa gewisen.

Net verpassen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen