Déjà Vu

Mat en etleche Joer Ofstand gi Kult-Albummen aus der Geschicht vu Rock, Pop an Jazz nach emol ënnert d'Lupp geholl. Fir erëmzehéieren mat neien Oueren oder als Entdeckung fir déi, déi se deemools verpasst haten.

Mick Jagger - Wandering Spirit

Den Album kënnt eraus um Label Atlantic. Fir deen haten d'Stones an de Siwwenzeger geschafft, éier si bei Virgin gaange sinn. No Kontraktschluss mam Label vum Richard Branson si si dann erëm bei Atlantic, éier d'Band op d'Iddi koum en eegene Label ze kreéieren an zousätzlech anzekasséieren.

Dem Jagger seng Solo-Carrière huet 85 ugefaange mam éischter mëttelméissegen "She's The Boss"-Album, virun allem awer mat der Single "Dancing In The Street', déi hien am selwechte Joer zesumme mam David Bowie ophëlt an déi d'Enttäuschung iwwer dat éischt Solowierk kloer iwwerspillt. Bis haut ass de Compteur bei ganzer véier Soloreleasë stoe bliwwen. "Wandering Spirit' kritt dobäi bei wäitem déi beschte Kritiken.

Presentéiert vum Fred Medernach

Rezent Emissiounen

  • After The Goldrush - Neil Young

    Kuerz nodeems de Neil Young den Trio Crosby, Stills a Nash ergänzt, brengt de Kanadier am September 1970 dësen drëtte Solo-Album eraus.

  • The Lamb lies down on Broadway - Genesis

    En dueblen Album mat Theme wéi Perséinlechkeetsspaltungen, Paradäis, Hell, Wouerecht a Fantasie

  • So - Peter Gabriel

    No Genesis hat de Peter Gabriel kee Problem, fir am Rock- a Popgeschäft Fouss ze faassen. Mat senge Solowierker huet hie Kritiker a Fans begeeschtert.

  • Tommy - The Who

    De Studioalbum (1969) geet als déi erfollegräichste Rockoper an d’Musekgeschicht an.

  • A Night at the Opera - Queen

    Den Album gehéiert zu de beléifste vun der Rock Band. Progressive Rock, Balladen a Music Hall Stiler, wéi Hard Rock Nummere sinn drop ze fannen.

  • The Doors - The Doors

    Mat "Light My Fire", "The End", "Break On Through" oder dem Brecht/Weil-Titel "Alabama Song" iwwerzeege The Doors op hirem Debutalbum.

  • Brothers in Arms - Dire Straits

    Ee vun deenen éischten Albumen aus der Rockgeschicht, deen 1985 als CD an och komplett digital opgeholl gouf.

  • The Songs Of Leonard Cohen - Leonard Cohen

    Fieder + Gittar: dem kanadesche Schrëftsteller säin Debutalbum gëtt 1967 en enormen Erfolleg am Beräich Songwriting.

  • The Wall - Pink Floyd

    E Konzept-Album, deen déi perséinlech Einsamkeet an Isolatioun thematiséiert.

  • Déjà Vu - Crosby, Stills Nash & Young

    3+1 = Crosby, Stills a Nash + Young! Den Debut-Album "Déjà Vu" (1970) mécht de Quartett weltwäit bekannt.

  • Chicago Transit Authority - Chicago

    D'Rockband with Horns gouf zur Legend am Jazz-Rock

  • Aqualung - Jethro Tull

    Dee véierten Album (Abrëll 1971) vun der britescher Band rondrëm hire Mastermind Ian Anderson

  • Horses - Patti Smith

    En Album, deen déi nach jonk Punk-Bewegung sollt staark inspiréieren. Fir d'Rockpoetin Patti Smith selwer ass et danzbare Rock'n'roll.

  • Pet Sound - The Beach Boys

    Am Mee 1996 kënnt deen 11. Studioalbum vun de Beach Boys eraus. Produzéiert vum Brian Wilson.

  • Transformer - Lou Reed

    "Walk On The Wild Side" - wou nuets aus dem he e she gëtt - ass den dominanten Iwwersong.

Programm

  • Virum Dag

  • On air

    Moies-Magazin

  • Iwwer Mëtteg

  • Resonanzen

  • Spektrum

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • CinÉast 2019

    Et ass déi zwieleften Editioun vum CinÉast Filmfestival. Vum 3. bis den 20. Oktober ginn iwwer 65 Featuren a 50 Kuerzfilmer aus 20 Länner aus Mëttel- an Osteuropa gewisen.

Net verpassen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen