Konferenzen

Enregistrementer vu Konferenzen zu aktuellen Themen.

Forum Z vum 31.01.2019 - Who's afraid of the digital? © Université du Luxembourg

ForumZ - Who's afraid of the digital?

Who's afraid of the digital?  Dat war déi leedend Fro vum éischte Forum Z vum Joer 2019, organiséiert vum C²DH, der digitaler-historescher Unitéit vun der Uni Lëtzebuerg - a Partnerschaft mat dem radio 100,7 an dem House of Startups. 

An enger ongezwongener Atmosphär haten am House of Startups een Nomëtteg laang, ë. a. Curateuren, Enseignanten a Fuerscher hir Projete wéi op enger Foire dem Publikum virgestallt. D'Visiteure konnte sech u sechs verschiddenen Aarbechtsdëscher iwwer d'virtuell Realitéiten informéieren, wou déi neiste methodesch Trenden an Themeberäicher wéi Bildung, Fuerschung a Kultur presentéiert goufen.

An der Emissioun konzentréiere mir eis haaptsächlech op déi veschidden interaktiv Workshoppen, loossen dobäi hir Acteuren zu Wuert kommen a bedéngen eis do tëschent och emol mat digitalen Hëllefen, wéi mat engem Sproocheprogramm, deen eis eenzel Wierder oder Texter verliest.

Opgeholl a verschafft fir de radio 100,7 vum Carlo Link.

Linken zu de verschiddenen Themen-Beräicher vun dësem Forum Z:

- ADEM - Skill's Bridge: https://www.skillsbridge.lu/fr/

- Musée National d'Histoire et d'Art (Mnha), Visite 3D: https://www.mnha.lu/fr/Visites-en-3D   

- Musée Dräi Eechelen mat senge Kasematten, Visite 3D: http://www.m3e.public.lu/fr/visites-activites/Visites-3D/index.html

- Lëtzebuerg City Museum "Pierre-Ernest de Mansfeld comes alive": https://citymuseum.lu/news/pierre-ernest-de-mansfeld-comes-alive/

- Apple IIe - "Maps and Globes": https://www.c2dh.uni.lu/fr/thinkering/experimental-media-archaeology-featuring-apple-iie

- Digital Luxembourg: https://gouvernement.lu/fr/dossiers/2014/digital-letzebuerg.html

- Forum Z "Who's afraid of the digital?" https://www.c2dh.uni.lu/forum-z/hands-exploration-through-luxembourgs-virtual-and-real-landscapes-digital-developments

Forum Z vum 31.01.2019 am House of Startups - © Université du Luxembourg / Carlo Link

 

Rezent Emissiounen

Programm

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen