Album vun der Woch

Méindes moies presentéiert ee Journalist aus der Museksredaktioun den Album vun der Woch. D'Lidder vum Disk zéie sech wéi ee roude Fuedem duerch de Programm.

O Terno - <atrás/além>

Déi dräi Jonge vum Grupp O Terno komme vu São Paulo a musizéieren zanter 2009 mateneen. Hiren Numm heescht De Kostüm, an hirer Musek no ass et en handgeschneiderten, mat engem eleganten Design aus de 60er. Op hirem véierten Disk "<atrás​/​além>" hu si sech a punkto Orchestréierung net zeréckgehalen. Hir melodiéis a suave Lidder goufen elo mat Orchester ausgebreet. An d'Resultat ass grad esou epesch wéi intim. Den Album vun der Woch presentéiert vum Jamie Reinert.

Rezent Emissiounen

  • King Princess - Cheap Queen

    Hanner deem ambiguen Numm King Princess verstoppt sech déi 20-järeg Mikaela Straus aus Brooklyn, New York, a si huet et fauschtdéck hanner den Oueren.

  • Yvon im Kreis der Liebe

    Dräi Museker aus Nordrhein-Westfalen zéien den italienesche Indianersummer mat sech.

  • Richard Dawson - 2020

    Absurditéit, Verzweiwlung an den Alldag hu reegelméisseg matenee Rendez-vous um Richard Dawson senger neier Plack.

  • Big Thief - Two Hands

    Déi smartsten Americana Band mam zweeten Album fir dëst Joer: Den Äerd-Zwilling - e steet mat zwee Féiss um texanesche Wüstebuedem.

  • Luke Temple - Both-And

    Meditativ awer catchy Konstrukter vun engem experimentéierte Museker

  • Dyson Stringer Cloher - s/t

    Feministesche Rock vun Down Under, deen duerch den Americana-Wollef gezu gouf.

  • Devendra Banhart - Ma

    Op sénger 10. Solopack "Ma" beschäftegt sëch den Devandra Banhart mat sénge südamerikanesche Wuerzelen an de batterséissen Erkenntnisser vun der Liewensmëtt.

  • One True Pairing - One True Pairing

    E Soundtrack fir schwiereg Zäiten.

  • Rocko Schamoni - Musik für Jugendliche

    "Musik für Jugendliche" - net d'Konzept vu Bravo Hits, mee den Titel vun engem 53-Joer alen Entertainer.

  • Adam Green - Engine of Paradise

    Déi bizar Welt vun de mënschleche Paradiesmaschinnen erfuerscht den Adam Green an engem weideren, a besonnesch gelongenen Album.

  • Whitney - Forever Turned Around

    Déi zwee Kolleegen aus der "wandeger Stad" liwwere Balsam fir d'Séil.

  • Joan Shelley - Like The River Loves The Sea

    Am Atlantik tëschent zwou Folk-Traditiounen

  • Marika Hackman - Any Human Friend

    Den drëtten Album vun der britescher Singer-Songwriterin verbënnt Pop-Experimentation mat enger natierlech presentéierter Intimitéit.

  • Pixx - Small Mercies

    "Small Mercies", den zweeten Album vu Pixx, kléngt wéi e grousse Konveniat vun der Indiemusek. Déi jonk Londonerin Hannah Rodgers verbënnt clever Melodië mat queeschen Arrangementer. 

  • Trey Gruber - Herculean House of Cards

    Indie Skizze vum Feinsten vun engem Museker, deen zu Liefzäiten net d'Méiglechkeet hat, säin Talent engem grousse Publique ze weisen.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • CinÉast 2019

    Et ass déi zwieleften Editioun vum CinÉast Filmfestival. Vum 3. bis den 20. Oktober ginn iwwer 65 Featuren a 50 Kuerzfilmer aus 20 Länner aus Mëttel- an Osteuropa gewisen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen