Ee Mount, een Thema

André Dübbers

De radio 100,7 verdéift all Mount e speziellen Themeberäich. Dës Programm-Schwéierpunkten zéie sech duerch vill Emissiounen a Reportagen a bidden dem Nolauschterer Hannergrondinformatiounen an deels ënnerschiddlech Approchen zum Thema vum Mount.

Thema vum Mount: Glawen

Am Musée d'Histoire an der rue du Saint-Esprit ass zanter Enn November eng Ausstellung ze gesinn déi Glaubenssache iwwerschriwwen ass. Eng Ausstellung fir Gleeweger a Netgleeweger. 100 Léit, déi hei am Grand-Duché liewen hunn dem Musée fir dës Ausstellung hir perséinlech Objeten zur Verfügung gestallt, déi fir si eng ganz wichteg, zum Deel och reliéis Bedeitung hunn. De Fabricio Ceccarelli vum Musée d'Histoire de la Ville de Luxembourg erklärt wéi dës Objeten iwwerhaapt de Wee an de Musée fonnt hunn, an mir lossen och déi Léit zu Wuert kommen, déi dës perséinlech Objete geléint hunn, zesumme mat hinen ass d'Angie Maquil durch d'Ausstellung getrëppelt.
(Rediff. vun 09.05)

Rezent Emissiounen

Programm

Net verpassen

  • Haut den Owend live aus der Philharmonie

    Schubert a Rossini

    De Franz Schubert an den Gioacchino Rossini: Béid Komponisten hunn der Musekswelt Wierker hannerlooss, déi si net méi fäerdeg kruten. Dat ass de roude Fuedem vum Concert mam Philharmoneschen Orchester Lëtzebuerg en Donneschdeg, den 12. Dezember 2019, deen de radio 100,7 vun 20:00 Auer u live aus der Philharmonie iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen