Aktuelles

Hannergrënn iwwer déi lokal, national an international Aktualitéit. Um 6:20, 7:20, 8:23, 09:20 Auer.

Politesche Wocheréckbléck: Affär Traversini

D'Ëmweltministerin Carole Dieschbourg steet wéinst der Autorisatioun fir dem Roberto Traversini säi Gaardenhaus ënner Drock. Obschonns hien als Buergermeeschter vun Déifferdeng wéi als Deputéierten zeréckgetrueden ass an d'Gaardenhaus wëllt ofrappen loossen. D'Fro ass, ob de Roberto Traversini vum Carole Dieschbourg an hire Servicer bevirdeelegt gouf. D'Oppositioun an der Chamber zweiwelt drun, ob déi Autorisatioun iwwerhaapt hätt dierfen ausgestallt ginn, a si fënnt et wier immens séier gaangen. D'Ministerin huet antëschent zouginn, datt de Roberto Traversini hir gesot hat, hie misst eng Autorisatioun ufroen - obschonns hie méi wéi emol gesot hat, hien hätt dat zu kengem Moment gemaach. De Parquet huet Ënnerlagen um Ëmweltministère saiséiere gelooss. D'Carole Dieschbourg muss fir d'zweet bannent enger Woch an d'Chamberkommissioun Ëmwelt, well bei der éischter Sitzung net all Froen duerchgeholl konnte ginn. Weider Hannergrënn vum Michèle Sinner.

Rezent Emissiounen

Programm

  • Notturno

  • On air

    Noriichten

  • Moies-Magazin

  • Iwwer Mëtteg

  • Resonanzen

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen