Aktuelles

Hannergrënn iwwer déi lokal, national an international Aktualitéit. Um 6:20, 7:20, 8:23, 09:20 Auer.

Ex US-Zaldot wëllt mat de Kurde kämpfen

Am Kader vum Réckzuch vun den US-amerikaneschen Truppen aus Nordostsyrie sinn ëm déi 500 US-Militärpersonal Richtung irakesch Grenz evakuéiert ginn, bis ewell déi gréisste Buedemoperatioun vum der amerikanescher Arméi a Syrien. Trotz dem Waffestëllstand tëschent der Tierkei an de syreschen Demokratesche Kräfte goufe weider Ausernanersetzungen observéiert - aus Amerika kennt vill Kritik géint dem Donald Trump seng Decisioun, déi amerikanesch Truppen aus Nordostsyrien zeréckzezéien, déi déi tierkesch Attacken op déi syresch Kurderegioun erméiglecht hunn. D'Charlotte Bruneau huet zu Erbil de Kemal getraff, e jonken US-Amerikaner, deen an d'Regioun gereest ass mam Zil, d'Kurden ze ënnerstëtzen.

Rezent Emissiounen

Net verpassen

  • Suicidegefor am Alter: En Tabuthema

    Suicidegefor am Alter

    Persounen iwwer 75 Joer si besonnesch ufälleg fir sech d'Liewen ze huelen. Eng rezent Campagne fir "Suicidepreventioun am Alter" weist, datt Seniore sech dräi bis véier Mol méi dacks suicidéiere wéi Jonker ënner 25 Joer. E puer vun de Grënn si sozial Isolatioun, Solitude oder Depressiounen.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen