Konferenzen
Adrien Meisch (1930 - 2020): e Liewe fir d'Diplomatie an d'Musek
60 min
© Marc Theis
Den Adrien Meisch huet ufanks als Attaché am Ausseministère geschafft, duerno an der Stänneger Vertriedung zu New York, zu Bréissel, bei der OECD a bei der NATO. Hie koum hannescht op Lëtzebuerg a war ënner anerem Direkter fir politesch Affären am Ausseministère.
Vun 1971 u war hien Ambassadeur op verschiddene Plazen:
1971-1974 zu Moskau, zoustänneg fir d'Sowjetunioun, Finnland a Polen
1974-1983 zu Washington, zoustänneg fir d'USA, Kanada a Mexiko
1983-1991 zu Bonn
1991-1995 zu Berlin
1995-1998 nees zu Moskau (dunn: Russesch Federatioun)
Den Adrien Meisch huet an der Diplomatie, grad wéi duerch säi kosmopolitescht Wiesen an och duerch seng kulturell Astellung vill fir Lëtzebuerg erreecht. Dozou zielen absënns seng Treffen zu Moskau mat Museker an Intellektuelle wärend dem Kale Krich. Och méi spéit huet hien an Däitschland an an den USA d'Prominenz aus der Politik an der Wirtschaft mat Kënschtler op Receptiounen an der Ambassade zesummebruecht. Hie war en douéierte Pianosspiller an huet op Receptioune Concerten zesumme mat senger Fra Candace Johnson ginn, déi gesongen huet. Op dës kulturell a gesellschaftlech Manéier konnt hie seng Gäscht fir Lëtzebuerg interesséieren.
An enger Rediffusioun vun der Emissioun "Erlieft a Verzielt" vum Carlo Link aus dem Joer 2014, erënnere mir un dës Lëtzebuerger Perséinlechkeet a Welt-Bierger.
Episoden
Kulturgeschicht Lëtzebuerg - vun de 50er bis haut (3)
Weider mam Jabel - Lëtzebuergesch nom Zweete Weltkrich. Eng Konferenz vum Fernand Fehlen
Archives et démocratie
Den néngten Archivdag, organiséiert vum Veräin vun den Lëtzebuerger Archivisten Asbl, kuerz VLA.
Kulturgeschicht Lëtzebuerg - vun de 50er bis haut (2)
E sozialhistoresche Bléck op Lëtzebuerg zanter den 1960er Joren - Denis Scuto
Kulturgeschicht Lëtzebuerg - vun de 50er bis haut (2)
E sozialhistoresche Bléck op Lëtzebuerg zanter den 1960er Joren - Denis Scuto
Kulturgeschicht Lëtzebuerg - vun de 50er bis haut (1)
Wat d'Heemecht ass, dat froen s'oft - Heemecht als Allegorie vun Identitéit?