Konferenzen
Kulturgeschicht(en) op Vinyl
De Komponist, Arrangeur, Museker a Musekspedagog Georges Urwald © Carlo Link
Populär Lidder verroden eis esou munches aus hirer an iwwer hir Zäit. All Lidd, dat glécklecherweis deemools vu Plackelabele wéi Discolux, Edy Noël oder Luxembourg Sound op Vinyl veréiwegt gouf, hält eis eng kleng Geschichtsstonn iwwer Kultur zu Lëtzebuerg, wann een esou wëllt. Ouerewiermsänger wéi Micky Erpelding, Mesy Faber, Juliette Nürenberg, Aly Bintz, Marcel Jander oder Hary Haagen (net ze vergiessen d'Kannerstare wéi Marie-Madelaine, Dany, De klenge Fernand oder Roby) sangen iwwer beléifte Fräizäitbeschäftegungen ("Um Camping", "Mäi Pony"), Iessen an Drénken ("Lëtzebuerger Spezialitéiten", "Béierlidd" vum Hary Fonck), d'Bild vun der Fra ("Déi nei Blus", "Déck oder dënn"), Mobilitéit ("De leschten Tram", "Mir fléien op de Mound"), Sport ("Den Hunn op der Bunn", "Futtballslidd") oder Moud ("D'Miniräck", "De Bibi").
Liddertexter a Musek ginn en Abléck an d'Gesënnungen an d'Haltunge vun de Leit, loossen d'Sounden, déi eng bestëmmten Zäit gepräägt hunn, an natierlech d'Interpreten, déi haut nach feste Bestanddeel an de Biografië vun der Nokrichsgeneratioun sinn, erëm opkléngen.
E Virtrag vum Georges Urwald, mat de Lëtzebuerger Ouerewiermsänger, opgeholl den 19. Oktober am CAPE (Centre des Arts Pluriels) zu Ettelbréck am Kader vum Konfrenzenzyklus: Kulturgeschicht Lëtzebuerg - vun den 1950er Jore bis haut. Organiséiert an Zesummenaarbecht mam Institut fir Lëtzebuerger Sprooch- a Literaturwëssenschaft an der Fuerschungsunitéit IPSE vun der Uni Lëtzebuerg.
Enregistrement, Montage a Resumé: Carlo Link
Integrale Virtrag vum 19. Oktober 2020: Kulturgeschicht(en) op Vinyl - Lëtzebuerger Ouerewierm an hirer Zäi
@ Carlo Link
Resumé vum Virtrag
Episoden
De Wee vum Text
"De Wee vum Text" war de Sujet den 8. Mee op enger Table ronde op de Mierscher Theaterdeeg am Mierscher Kulturhaus.
Welche Zukunft wollen wir? Die Smart City und die Zukunft unserer Städte
Eng Diskussioun mam Niklas Maak a Florian Hertweck, op Invitatioun vum Institut Pierre Werner (IPW) an der Abtei Neimënster. "Zwischen Klimawandel und digitaler Revolution".
Guy Wagner - Winterreise
Als Hommage un de Schrëftsteller, Autor a Musekskritiker Guy Wagner (1938-2016) vum 7. Mee am Trifolion, Iechternach
Op eemol ass alles anescht!
Wat maache Verännerunge mat eis? Am Alldag, an der Gesellschaft, an der Schoul, an der Kierch?
Guy Wagner - Winterreise
Als Hommage un de Schrëftsteller, Autor a Musekskritiker Guy Wagner (1938-2016)
