Radioen

On air

9 bis 1  |  Seed To Tree - Integrity (You Don't Owe Nothing To Me)

play_arrow Live
arrow_back_ios

Kannerkëscht

100komma7.lu / Kannerkëscht

/ Wéi kann ee waarmt Waasser kréien?

Wéi kann ee waarmt Waasser kréien?

headphones

10 min

Lauschteren play_arrow
on the headlines

Salut Kanner! D'nächst Woch gëtt eng kuerz Woch, ech denken, datt der vill doriwwer net béiss sinn, mee firwat ass d'nächst Woch da méi kuerz? Wësst der et?.... Genee richteg, den nächste Donneschdeg ass en offiziell Feierdag, et ass de Lëtzebuerger Nationalfeierdag , deen all Joers um 23. Juni gefeiert gëtt. Vill Leit soen Nationalfeierdag, mee der kënnt awer och emol heiansdo aner Ausdréck héieren, wéi Groussherzog- oder Groussherzoginsgebuertsdag. Oder méi rar: Kinniksdag oder Kinneksgebuertsdag.

Wat feiert een dann deen Dag? Abee et feiert een dem Grand-Duc oder der Grande-Duchesse hire Gebuertsdag, jee no deem wien da grad Staatschef ass. Mee de Lëtzebuerger Nationalfeierdag war awer net ëmmer um 23. Juni, wa mer an der Zäit zeréckginn, wou de Kinnek-Groussherzog Wëllem den Éischten war, deen Nationalfeierdag bei eis de 24. Abrëll geluecht huet, och wann de Wëllem de 24. August Gebuertsdag hat. Bei sengem Nofollger de Wëllen den Zweeten gouf de Nationalfeierdag op deem sengem Gebuertsdag den 6 Dezember als Niklosdag gefeiert. Du koum de Wëllem den Drëtten a bei deem war bis 1859 de 17. Juni Nationalfeierdag.

Wat war dat en Duercherneen, denkt der iech wuel, mee et ass nach weider gaangen. Nodeems dat hollännescht an dat Lëtzebuerger Herrscherhaus auserneegaangen sinn, gouf an der Zäit vun de Nassau-Weilburger Monarchen de Nationalfeierdag ëmmer op hirem Gebuertsdag commemoréiert.

Wéi d'Grande Duchesse Charlotte dunn 1919 d'Soen hei am Land krut, ass den Nationalfeierdag op den 23. Januar gefall, net glécklech, well et war meeschtens kal matten am Wanter, an déi Zäite waren d'Wanteren nach anescht wéi haut, an och hire Fils, de spéidere Grand Duc Jean, hat am Januar Gebuertsdag.

Do wollte si awer eppes dogéint maachen, de 23. Dezember 1961 gouf an engem, wat se nennen Arrêté Grand Ducal, festgehalen den Nationalfeierdag vum 23. Januar op den 23. Juni ze verleeën, an de Grond war eenzeg an eleng d'Wieder, well et zimmlech sécher am Juni manner kal, gro an däischter ass wéi am Januar. An dësen Dag ass du bliwwen, och beim aktuellen Grand Duc Henri, an dat wäert och wuel bei deem sengem Fils Guillaume esou bleiwen, wann deen d'Successioun vu sengem Papp iwwerhëlt a Grand Duc gëtt.

De Virowend vun Nationalfeiederdag, also den 22. Juni gëtt normalerweis am ganze Land deels bis an d'Nuecht gefeiert, a besonnesch an der Stad ass um Virowend ëmmer e grousse Fackelzuch, e grousst Freedefeier, an um Nationalfeierdag selwer ass eng grouss Militärparad. Op alle Fall ass dat en Dag, wou iwwerall am Land Nationalhymn gespillt gëtt, dir kennt déi jo Kanner: "Ons Heemecht" An iwwerall wou de Grand Duc dann higeet, gëtt wann hien ukënnt, de Wilhelmus gespillt.

Voilà, dat ass also de Lëtzebuerger Nationalfeierdag, dee wéi dir elo héieren hutt, net ëmmer den 23. Juni war, op alle Fall wënsche mir iech e ganz schéinen Nationlfeierdag den nächste Donneschdeg.

An domat komme mir bei eis Experiment, dat nawell ganz gutt bei dat waarmt, jo esou guer gliddegt Wieder passt. D'Michèle Weber an de Jean Claude Majerus sëtze schonn am Studio ze schweessen, a si zwee wëllen iech haut erklären, wéi ee Waasser mat Hëllef vun der Sonnenenergie ka waarm maachen, a wéi dat am beschte geet.

An hei kënnt dir och op science.ku kucken, wéi ee Waasser mat Sonnenenergie ka waarm maachen.

Episoden

D'Pechschwéngchen a Spaghetti mat Champignone

D'Pechschwéngchen a Spaghetti mat Champignone

D'Pechschwéngchen Hannes a seng Frënn hu richteg groussen Honger op Spaghettie!
headphones

5 min

play_arrow
D'Pechschwéngchen an de Glécksvull

D'Pechschwéngchen an de Glécksvull

Den Hannes kënnt aus enger Famill vu Glécksschwéngercher, mee hie selwer huet leider ëmmer nëmme Pech.
headphones

5 min

play_arrow
Wat ass Zäit a firwat gëtt d'Zäit ëmgestallt?

Wat ass Zäit a firwat gëtt d'Zäit ëmgestallt?

Et ass, mengt een eemol, esou eng einfach Fro, déi aweresou schwéier ze beäntweren ass.
headphones

11 min

play_arrow
Traditiounen vum Gebuertsdag an en Experiment mat Roude Kabes

Traditiounen vum Gebuertsdag an en Experiment mat Roude Kabes

Jiddereen huet Gebuertsdag op engem ganz bestëmmten Dagam Joer, an zwar, wéi de Numm et seet, deen Dag, wou e gebuer ass. An iwwerallop der Welt maache mir fir de Gebuertsdag ze feieren och
headphones

13 min

play_arrow
E Freideg den 13., Nobelpräisser an eng Waasserrackéit

E Freideg den 13., Nobelpräisser an eng Waasserrackéit

Et ass de leschte Freideg den 13. fir dëst Joer. En Dag virun deem vill Mënschen Angscht hunn, well se mengen et wär en Dag deen Ongléck a Päsch bréngt. Mee ass dat dann och esou?
headphones

16 min

play_arrow
Déi véier Joerszäiten an de bloen Himmel

Déi véier Joerszäiten an de bloen Himmel

D’Schoul ass nees am gaangen a schonn ass et och nees esouwäit, datt d’Joreszäit wiesselt. Dem Kalenner no ass vum 23 Septemberdëst Joer un Hierscht fir d’Meteorologen awer scho vum éischte
headphones

17 min

play_arrow
De Schoulufank, Sproochen an eng Geheimschrëft

De Schoulufank, Sproochen an eng Geheimschrëft

Et ass schonn erëm esouwäit: no zwee Méint Summervakanz fänkt d’Schoul nees un a fir vill jonk Mënschen ass dat schonn eng grouss Erausfuerderung. Entweder, wa si iwwerhaapt fir d’éischt an
headphones

16 min

play_arrow
De Jos reest an d'Mëttelalter - Deel 1

De Jos reest an d'Mëttelalter - Deel 1

A wéi déi meescht vun iech huet och de Jos Vakanz, endlech seet de Jos. De Schoulstress ass eriwwer, an elo heescht et chillen a lauter flott Saache maachen.
headphones

7 min

play_arrow
De Jos reest an d'Mëttelalter - Deel 2

De Jos reest an d'Mëttelalter - Deel 2

An der Anja Di Bartolomeo hirer Geschicht vum Jos, weess de Jos elo, wat seng Eltere fir hien a seng Schwëster Nora eraus gesicht hu fir een Deel vun hirer Vakanz ze verbréngen, éier se dann
headphones

9 min

play_arrow
De Jos reest an d'Mëttelalter - Deel 3

De Jos reest an d'Mëttelalter - Deel 3

An et geet weider an der Anja Di Bartolomeo hirer Geschicht "De Jos reest an d'Mëttelalter!" mam Jos, an deen ass awer och guer net zefridden. Éischtens wollt hie jo guer keng esou eng Mëtte
headphones

10 min

play_arrow
De Jos reest an d'Mëttelalter - Deel 4

De Jos reest an d'Mëttelalter - Deel 4

An der Anja Di Bartolomeo hirer Geschicht "De Jos reest an d'Mëttelalter" ass et schonn nees geschitt: de Maxime huet erëm de Geck mam Jos gemaach an de Jos gouf aus allen Ecke vum Camp ausg
headphones

9 min

play_arrow
De Jos reest an d'Mëttelalter - Deel 5

De Jos reest an d'Mëttelalter - Deel 5

An der Anja Di Bartolomeo hirer Geschicht "De Jos reest an d'Mëttelalter!" war et kloer, datt et tëscht dem Jos an dem Maxime nach ferm géif klaken an de grousse Showdown koum, wou se am gaa
headphones

9 min

play_arrow
De Mukami geet Zelten - Deel 2

De Mukami geet Zelten - Deel 2

Mengt dir, datt de Mukami e bëssen Angscht eleng dobaussen huet? Dat gitt der elo am zweeten Deel vun der Anja Di Bartolomeo hirer Geschicht "de Mukami geet zelten" gewuer.
headphones

9 min

play_arrow
De Mukami geet Zelten - Deel 1

De Mukami geet Zelten - Deel 1

D'Anja Di Bartolomeo war nees ganz fläisseg an huet Iech, elo grad gutt fir d'Vakanz, eng nei Geschicht geschriwwen, wou dës Kéier nees de Pit an säi gudde Kolleeg de Mukami am Mëttelpunkt stinn.
headphones

15 min

play_arrow
Geschichten: De "Scheiersound" mam Charel Schiltz

Geschichten: De "Scheiersound" mam Charel Schiltz

De Charel Schiltz ass een zwielef Joer jonke Schüler, dee sech beim Naturmusée no hirem Reportage iwwer d'Kannerkëscht am Panewippche gemellt huet.
headphones

10 min

play_arrow
De Schoulcampus "Nei Brasilien" an eng bleche Béchs

De Schoulcampus "Nei Brasilien" an eng bleche Béchs

D'Schoulklass vu Fabienne Gressnich an Tessy Everling huet sech fir d'Originne vum Numm vun hirer Schoul zu Gréiwels "Nei Brasilien" intresséiert.
headphones

20 min

play_arrow
E Projet mat Zigarettestëmp, d'Ausstierwe vu Sproochen an en Wollek an der Fläsch

E Projet mat Zigarettestëmp, d'Ausstierwe vu Sproochen an en Wollek an der Fläsch

D'Schoulklass vu Joy Faber a Amira Sayed presentéieren eis en Ëmweltprojet ronderëm d'Zigarettestëmp deen an der Gemeng Mamer lancéiert gouf.
De Jos fënnt Ouschtere blöd - Deel 7

De Jos fënnt Ouschtere blöd - Deel 7

An der Anja Di Bartolomeo hirer Ouschtergeschicht si mir elo op der leschter Ligne droite.
headphones

12 min

play_arrow
De Jos fënnt Ouschtere blöd - Deel 6

De Jos fënnt Ouschtere blöd - Deel 6

An der Anja Di Bartolomeo hirer Geschicht "Ouschteren ass blöd!" huet de Jos elo awer eng Méiglechkeet fonnt fir an der Europapark ze kommen, si mussen nämlech der Comtesse hir "grouss Chasse aux oeufs um Schlass" gewannen.
headphones

10 min

play_arrow
De Jos fënnt Ouschtere blöd - Deel 5

De Jos fënnt Ouschtere blöd - Deel 5

An der Anja Di Bartolomeo hirer Geschicht "Ouschteren ass blöd!" huet de Jos jo elo awer eng Méiglechkeet fonnt fir eventuell an den Europa-Park kënnen ze goen.
headphones

8 min

play_arrow