Kannerkëscht
Wéi kann ee waarmt Waasser kréien?
10 min
Salut Kanner! D'nächst Woch gëtt eng kuerz Woch, ech denken, datt der vill doriwwer net béiss sinn, mee firwat ass d'nächst Woch da méi kuerz? Wësst der et?.... Genee richteg, den nächste Donneschdeg ass en offiziell Feierdag, et ass de Lëtzebuerger Nationalfeierdag , deen all Joers um 23. Juni gefeiert gëtt. Vill Leit soen Nationalfeierdag, mee der kënnt awer och emol heiansdo aner Ausdréck héieren, wéi Groussherzog- oder Groussherzoginsgebuertsdag. Oder méi rar: Kinniksdag oder Kinneksgebuertsdag.
Wat feiert een dann deen Dag? Abee et feiert een dem Grand-Duc oder der Grande-Duchesse hire Gebuertsdag, jee no deem wien da grad Staatschef ass. Mee de Lëtzebuerger Nationalfeierdag war awer net ëmmer um 23. Juni, wa mer an der Zäit zeréckginn, wou de Kinnek-Groussherzog Wëllem den Éischten war, deen Nationalfeierdag bei eis de 24. Abrëll geluecht huet, och wann de Wëllem de 24. August Gebuertsdag hat. Bei sengem Nofollger de Wëllen den Zweeten gouf de Nationalfeierdag op deem sengem Gebuertsdag den 6 Dezember als Niklosdag gefeiert. Du koum de Wëllem den Drëtten a bei deem war bis 1859 de 17. Juni Nationalfeierdag.
Wat war dat en Duercherneen, denkt der iech wuel, mee et ass nach weider gaangen. Nodeems dat hollännescht an dat Lëtzebuerger Herrscherhaus auserneegaangen sinn, gouf an der Zäit vun de Nassau-Weilburger Monarchen de Nationalfeierdag ëmmer op hirem Gebuertsdag commemoréiert.
Wéi d'Grande Duchesse Charlotte dunn 1919 d'Soen hei am Land krut, ass den Nationalfeierdag op den 23. Januar gefall, net glécklech, well et war meeschtens kal matten am Wanter, an déi Zäite waren d'Wanteren nach anescht wéi haut, an och hire Fils, de spéidere Grand Duc Jean, hat am Januar Gebuertsdag.
Do wollte si awer eppes dogéint maachen, de 23. Dezember 1961 gouf an engem, wat se nennen Arrêté Grand Ducal, festgehalen den Nationalfeierdag vum 23. Januar op den 23. Juni ze verleeën, an de Grond war eenzeg an eleng d'Wieder, well et zimmlech sécher am Juni manner kal, gro an däischter ass wéi am Januar. An dësen Dag ass du bliwwen, och beim aktuellen Grand Duc Henri, an dat wäert och wuel bei deem sengem Fils Guillaume esou bleiwen, wann deen d'Successioun vu sengem Papp iwwerhëlt a Grand Duc gëtt.
De Virowend vun Nationalfeiederdag, also den 22. Juni gëtt normalerweis am ganze Land deels bis an d'Nuecht gefeiert, a besonnesch an der Stad ass um Virowend ëmmer e grousse Fackelzuch, e grousst Freedefeier, an um Nationalfeierdag selwer ass eng grouss Militärparad. Op alle Fall ass dat en Dag, wou iwwerall am Land Nationalhymn gespillt gëtt, dir kennt déi jo Kanner: "Ons Heemecht" An iwwerall wou de Grand Duc dann higeet, gëtt wann hien ukënnt, de Wilhelmus gespillt.
Voilà, dat ass also de Lëtzebuerger Nationalfeierdag, dee wéi dir elo héieren hutt, net ëmmer den 23. Juni war, op alle Fall wënsche mir iech e ganz schéinen Nationlfeierdag den nächste Donneschdeg.
An domat komme mir bei eis Experiment, dat nawell ganz gutt bei dat waarmt, jo esou guer gliddegt Wieder passt. D'Michèle Weber an de Jean Claude Majerus sëtze schonn am Studio ze schweessen, a si zwee wëllen iech haut erklären, wéi ee Waasser mat Hëllef vun der Sonnenenergie ka waarm maachen, a wéi dat am beschte geet.
An hei kënnt dir och op science.ku kucken, wéi ee Waasser mat Sonnenenergie ka waarm maachen.
Episoden
De Jos reest an d'Mëttelalter - Deel 4
An der Anja Di Bartolomeo hirer Geschicht "De Jos reest an d'Mëttelalter" ass et schonn nees geschitt: de Maxime huet erëm de Geck mam Jos gemaach an de Jos gouf aus allen Ecke vum Camp ausg
De Jos reest an d'Mëttelalter - Deel 5
An der Anja Di Bartolomeo hirer Geschicht "De Jos reest an d'Mëttelalter!" war et kloer, datt et tëscht dem Jos an dem Maxime nach ferm géif klaken an de grousse Showdown koum, wou se am gaa
De Mukami geet Zelten - Deel 2
Mengt dir, datt de Mukami e bëssen Angscht eleng dobaussen huet? Dat gitt der elo am zweeten Deel vun der Anja Di Bartolomeo hirer Geschicht "de Mukami geet zelten" gewuer.
De Mukami geet Zelten - Deel 1
D'Anja Di Bartolomeo war nees ganz fläisseg an huet Iech, elo grad gutt fir d'Vakanz, eng nei Geschicht geschriwwen, wou dës Kéier nees de Pit an säi gudde Kolleeg de Mukami am Mëttelpunkt stinn.
Geschichten: De "Scheiersound" mam Charel Schiltz
De Charel Schiltz ass een zwielef Joer jonke Schüler, dee sech beim Naturmusée no hirem Reportage iwwer d'Kannerkëscht am Panewippche gemellt huet.
De Schoulcampus "Nei Brasilien" an eng bleche Béchs
D'Schoulklass vu Fabienne Gressnich an Tessy Everling huet sech fir d'Originne vum Numm vun hirer Schoul zu Gréiwels "Nei Brasilien" intresséiert.
E Projet mat Zigarettestëmp, d'Ausstierwe vu Sproochen an en Wollek an der Fläsch
D'Schoulklass vu Joy Faber a Amira Sayed presentéieren eis en Ëmweltprojet ronderëm d'Zigarettestëmp deen an der Gemeng Mamer lancéiert gouf.
De Jos fënnt Ouschtere blöd - Deel 7
An der Anja Di Bartolomeo hirer Ouschtergeschicht si mir elo op der leschter Ligne droite.
De Jos fënnt Ouschtere blöd - Deel 6
An der Anja Di Bartolomeo hirer Geschicht "Ouschteren ass blöd!" huet de Jos elo awer eng Méiglechkeet fonnt fir an der Europapark ze kommen, si mussen nämlech der Comtesse hir "grouss Chasse aux oeufs um Schlass" gewannen.
De Jos fënnt Ouschtere blöd - Deel 5
An der Anja Di Bartolomeo hirer Geschicht "Ouschteren ass blöd!" huet de Jos jo elo awer eng Méiglechkeet fonnt fir eventuell an den Europa-Park kënnen ze goen.
De Jos fënnt Ouschtere blöd - Deel 4
An der Anja Di Bartolomeo hirer Geschicht "Ouschteren ass blöd" gouf et déi grouss Iwwerraschung: Et gëtt awer eng Méiglechkeet fir de Jos an den Europapark ze fueren an esou guer véier Ticketen ze gewannen.
De Jos fënnt Ouschtere blöd - Deel 3
An et geet et weider am Anja Di Bartolomeo hirer Geschicht "Ouschteren ass blöd!" mam Jos, deen, an dat wësse mir ewell, net nëmmen Ouschteren allgemeng blöd fënnt, mee och den Ouschterhues geet him op d'Schlappen.
De Jos fënnt Ouschtere blöd - Deel 2
An der Anja Di Bartolomeo hirer Geschicht vum Jos, deen u seng Ouschtervakanz zeréck denkt, well hien Ouschteren net leide kann, wësse mir, datt de Jos esou gäre géif an den Europa-Park goen, fir sech do e ganzen Dag op den Achterbunnen ze ameséieren.
De Jos fënnt Ouschtere blöd - Deel 1
Dir sidd jo den Ament an der Päischtvakanz a mir proposéieren iech eng Geschicht, wou de Jos eemol zeréck un déi Vakanz virdrun denkt, nämlech d'Ouschtervakanz.
De Mukami geet an d'Schoul: Deel 2
De Pit ass der Meenung, datt de Mukami doheem ass.
De Mukami geet an d'Schoul: Deel 1
Op de leschten Deeg vun ärer Vakanz proposéiere mer iech an der Kannerkëscht vum radio 100,7 nees eng Geschicht vum Anja Di Bartolomeo
De Jos a säi krasse Fuesbal - Deel 3
Salut alleguerten! De Jos ass also mat der ganzer Famill, dem Nora, dem Bop an der Nonna op de "Planz de Bal" vum Déieren a Planzefrënn Club gaangen. n elo waarden de se drop datt d'Nonna hire Präis fir de schéinste Virgaart iwwerreecht kritt.
De Jos a säi krasse Fuesbal - Deel 2
Salut alleguerten! Elo komme mer da bei den zweeten Deel vum Jos senger Geschicht ronderëm d'Fuesent.
Dem Jos säi krasse Fuesbal - Deel 1
De Jos ass erëm do. Eise jonke Lausbouf, deen nawell gären déi eng oder aner Spiicht dréit, och wann dat ni béiss gemengt ass. An de Jos ass nu wierklech e Kärelchen deen Häerz op der richteger Plaz huet.