One World

De Marc Ribot ass bekannt als Sideman vu villen anere bekannte Museker, dorënner e Wilson Pickett, Chuck Berry, Bashung ... ale Kompliz och vum Tom Waits a reegelméissege Collaborateur vum John Zorn. Säi Punk-Jazz-Rock Power Trio Ceramic Dog annoncéiert elo e fënneften Album fir de Juli, "Connection" iwwerschriwwen. Hei test deen amerikanesche Gittarist zesumme mat senge Kolleegen d'Limitte vun de Genren.

Den englesche Riedner, Dichter a Museker Gus Fairbairn, bekannt ënner sengem Kënschtlernumm Alabaster Deplume sicht op sengem leschten Album "Gold" eng aner Alchimie: an zwar déi fir d'Angscht an de Courage a Léift ëmzewandelen.

Dem Elvis säi "Blue Suede Shoes" gëtt interpretéiert vum franséische Gittarist Seb Martel. E spezielle Sound, an dat kënnt dohier, datt al Instrumenter zum Asaz kommen. Esou konnt den Album "Saturn 63" an der Zesummenaarbecht mam Musée de la Musique an der Philharmonie vu Paräis realiséiert ginn.

Eng vun den Decouverten dës Woch ass den Unknown Mortal Orchestra aus New Zeeland an hiren neien Album "V". Et ass en Duebelalbum, dee vill Influenzen un den Dag leet, dorënner déi hawaiianesch Hapa-Haole-Musek ...

Decouverte och sinn Angels Of Libra. Den Album "Revelations" ass an der Zesummenaarbecht mam iresche Singer-Songwriter Nathan Johnston entstanen. En interessante Songwriting héiere mir hei mat pertinenten Texter, déi eng Bréck schloen tëschent ale Mythologien an der Welt vun haut.

Och derbäi dës Kéier de beandrockenden neien Album vum Eric Bibb. Hei ass den amerikanesche Folk-Museker op en Neits op de Spuere vum afroamerikanesche Widderstand.

Playlist:


Marc Ribot y los Cubanos Postizos - No Me Llores Mas -Marc Ribot y los Cubanos Postizos
Marc Ribot & Ceramic Dog - Connection - Connection - Single
Seb Martel - Blue Suede Shoes - Saturn 63
Alabaster Deplume - The World Is Mine - Gold
Anne Pacéo - From Shadow to Light - From Shadow to Light - Single
Oan Kim - Agony - Oan Kim & the Dirty Jazz
Unknown Mortal Orchestra - Nadja - V
Angels Of Libra & Nathan Johnston - Revelations - Revelations
Etienne de la Sayette & Wild Horses Orchestra - Nave Nave Moe - Nave Nave Moe
Ibrahima Cissokho & Mandingue Foly - Ware - Liberté Mom Sa Bop
Eric Bibb - Free (feat. Habib Koité) - Ridin'
The Touré-Raichel Collective- Azawade - The Tel Aviv Session
Vincent Segal, David Walters, Ballaké Sissoko & Roger Raspail - Papa Kossa - Nocturne

Episoden