Am Fong
Neie Rainbow Center - E Safe Space
55 min
Dës Woch mécht zu Lëtzebuerg deen éischte Rainbow Center seng Dieren op. E bitt der LGBTIQ+ Community zu Lëtzebuerg e sougenannte Safe Space, eng Plaz, wou d'Queer Communautéit zesummefënnt, eng Plaz, déi der Queer Zeen Visibilitéit gëtt.
Dës Plaze si wichteg, do kënnen nämlech queer Persoune sech esou ginn a liewen, wéi si sinn, ouni ze fäerten, jugéiert ze ginn. Des weidere bidden dës Plazen Austauschméiglechkeeten.
Et ass ëmmer nach wichteg, datt LGBTQ Persoune sech fir hir Rechter asetzen. Et ass scho vill geschitt um Plang vun der Gläichheet, mee och wann de Mariage an d'Adoptioun tëschent gläichgeschlechtleche Mënsche méiglech ass, stinn nach verschidden Hürden am Wee, zum Beispill bei der Unerkennung als Elteren.
De rezente Rainbow Index ergëtt, datt et zu Lëtzebuerg keng Progrèse beim Schutz vun LGBTIQ-Rechter vu sexuellen a geschlechtleche Minoritéiten gëtt. Am europäesche Ranking verléiert de Grand-Duché zwou weider Plazen an ass elo op Nummer siwen.
Fir der LGBTQ Communautéit Visibilitéit ze schafen, ass d'Pride net méi ewechzedenken. D'Fest gëtt traditionell an der éischter Juli Woch gefeiert. Engersäits bréngt si de Leit d'Queer-Kultur méi no, anerersäits gëtt op déi gesellschaftlech Fuerderunge vun der LGBTQIA+ Community opmierksam gemaach.
Wisou brauch d'Communautéit 2023 ëmmer nach sougenannt Safe Spaces, a wat genee passéiert am Rainbow Center? Wat sinn eigentlech a Saache Gläichstellung d'Fuerderunge vun der Zeen zu Lëtzebuerg?
Am Fong geet dëse Froen op de Fong. Invité beim Natasha Ehrmann ass den Andy Maar vu Rosa Lëtzebuerg.
Episoden
Weltwaasserdag - Séisswaassermuschelen a Fiichtgebidder
D'Sonja Heumann ass Chimistin vu Beruff a schafft bei natur&ëmwelt. Si ass um Projet vun der Muschelenziichstatioun op der Kaalber Millen bedeelegt.
Charlotte Pull
D'Psychologin a Psychotherapeutin vum ZEV den Zenter fir exzessiivt Verhalen a Verhalenssucht, ass Invitée beim Jean Claude Majerus.
Mäi Wëllen, Mäi Wee
De President vun der Associatioun "Mäi Wëllen, Mäi Wee", Associatioun pour le Droit de Mourir en Dignité, Jean Jacques Schonckert, ass den Invité beim Jean Claude Majerus.
Liewensmëttel Allergien: Wann iesse krank mécht
Zwou Fuerscherinnen aus dem Luxembourg Institute of Health, LIH: Dr Annette Kühn an Dr Christiane Hilger
20. Mäerz - Weltdag vum Theater fir de jonke Public
Invitéeë sinn d'Carole Lorang, Directrice vum Escher Theater, an de Jean Bermes, President vun der Association Internationale du Théâtre pour l'Enfance et la Jeunesse (ASSITEJ).
Emotioune bei Kanner
Wéi kënne Kanner an hir Eltere mat Gefiller an Emotiounen ëmgoen? D'Véronique Nilles an d'Nora Van Daele aus der Eltereschoul ginn Äntwerten.
Wunnen op klengem Raum
D'Nickie Lippert ass Presidentin vun der Asbl "Tiny House Community" a wunnt zënter September 2021 mat hirer klenger Famill an engem Tiny House.
Marcel Barros
De fräien Energieberoder ass Invité an der Emissioun Am Fong beim Jean Claude Majerus. Et geet riets vun Solarenergie an Energiespäicher.
Schweden als Schlësselfigur bei der Energietransitioun?
Schweden huet momentan d'Presidence vun der EU. D'Danièle Weber war op eng Visitt an huet ënner anerem eng "Zukunftsstad" am Norde besicht.
"De Klamm-Sport ass de Partner vun der Natur"
Klamme gëtt zu Lëtzebuerg ëmmer méi populär. Zemools d'Kloteren um Fiels huet e besonnesche Charme, soen de Jacques Welter an de Max Klein, zwee begeeschtert Kloterer.
Gendersensibel Sprooch
Et ass eng emotional Debatt. Mir diskutéiere ganz sachlech mam Luc Marteling vum Zenter fir d'Lëtzebuerger Sprooch.
Fréifërderung bei Kanner mat spezifesche Besoinen
Wat kënne sougenannt spezifesch Besoine sinn a wéi kann een d'Kanner an hiert Ëmfeld ënnerstëtzen? D'Chantal Feltgen, Psychologin, Familljentherapeutin a Mediatrice erkläert.
Eilen zu Lëtzebuerg
Nächste Samschdeg ass d'Nuecht vun de Kauzen. De Jim Schmitz vun der ASBL Natur an Ëmwelt erkläert, wéi geet et dëse faszinanten Déieren hautdesdaags geet a wou se liewen.
Als Museker:in zu Lëtzebuerg liewen - geet dat iwwerhaapt?
Mat der Claire Parsons an dem Georges Goerens schwätze mir iwwer hir musikalesch Karriär.
EDS-Lëtzebuerg. D'Liewe mam Ehlers-Danlos-Syndrom
Den Ehlers-Danlos Syndrom gehéiert zu de sougenannten rare Krankheeten och wann se net esou rare ass. An d'ASBL EDS-Lëtzebuerg setzt fir d'Intresse vun de concernéierte Mënschen an.
Paul Heber- Unicef Lëtzebuerg
De Paul Heber vun UNICEF Lëtzebuerg, war d'lescht Woch an Polen ënnerwee fir sech konkret Projeten fir ukrainesche Kanner an de Paul Heber ass haut den Invité vum Jean Claude Majerus an der
D'Bindung ass d'Basis fir eng gutt Entwécklung
Fir Vertrauen a sech an an d'Ëmfeld ze hunn, brauch e Kand eng sécher Bindung, seet de Gilbert Pregno, Psycholog, Familljentherapeut - a Papp.
Inklusiv - eng Ëmfro iwwer d'Besoine fir Persoune mat Behënnerungen
Invité ass de Sascha Lang, dee mat der Familljen- an Integratioun-Ministerin Corinne Cahen iwwer d'Etüd geschwat huet.
Philip Crowther: Ee Joer Krich an der Ukrain
Virun engem Joer huet déi russesch Arméi hiert Nopeschland Iwwerfall. Zanter engem Joer couvréiert eisen Auslandskorrespondent Philip Crowther de Krich.
