Am Fong
Insekten zielen: "Méi wéi Beien! Ziel mat!"
55 min
Op Initiativ vu Natur&Ëmwelt ginn Insekte rezenséiert, an Dir sidd gefrot matzemaachen.
Vum 9. bis den 18. Juni soll ee sech dofir un engem sonnegen Dag a bei net ze lëftegem Wieder tëschent 10 a 4 Auer eng Stonn Zäit huelen a Mécken, Bommelen oder Himmelsdéiercher zielen.
Am beschte sicht ee sech dofir eng Plaz a sengem Gaart, am Bongert, op enger Wiss oder an engem Park, wou et lauter Bléie gëtt, déi de verschiddenen Insektenaarten als Narung déngen. Am Beschten et fokusséiert ee sech op ee Radius vun zéng Meter maximum.
Natur&Ëmwelt huet Iech d'Saach schonn einfach gemaach an proposéiert Flyeren, op deenen een d'Fotoe vun den 12 verschiddenen Aarte gesäit.
Nieft dem Réckgang vun de Wantervullen hei am Land gëtt zanter e puer Joer och eng Baisse bei der Aartevillfalt vun den Insekten am Grand-Duché registréiert. Fir d'Trende vun de Populatiounen ze iwwerwaachen, an d'Wëssen iwwer d'Insekten an der Bevëlkerung ze stäerken, rifft Natur&Ëmwelt deemno zu der Insekten-Zielung "Méi wéi Beien! Ziel mat!" op, fir an den nächste Joren d'Bestänn vun den Aarten, déi méi dacks virkommen, souwéi d'Populatiounstrende besser aschätzen ze kënnen.
Och d'Enseignantë sinn opgeruff mat hire Schoulklasse bei der Aktioun matzemaachen an de Schüler unhand vun Unterrechtsmaterial vun Natur&Ëmwelt d'Welt vun den Insekte méi nozebréngen.
Wéi steet et genee ëm d'Insekten-Villfalt hei am Land?
Wat fir eng Aarte fléien hei?
Wisou sinn Insekte wichteg Bestanddeeler vun eisem Ekosystem?
Am Fong geet deene Froen op de Fong mat der Biologin Lieke Mevis, déi och Beroderin bei Natur&Ëmwelt ass. D'Natasha Ehrmann féiert duerch d'Gespréich.
Episoden
Repairs For Future
De Michel Heftrich mécht mat sengem E-Vëlo Statioun an der Emissioun Am Fong.
Insekten zielen: "Méi wéi Beien! Ziel mat!"
Invitée ass d'Biologin Lieke Mevis, déi och Beroderin bei Natur an Ëmwelt ass. Si erkläert wéi a wisou d'Insekten-Aarte gezielt ginn.
De Musekssecteur organiséiert sech
Concertssäll, Festivallen, Interpreten, Createuren, an aner Museksberuffer di sech zesummen. Am Virfeld vun den Nationalwale stelle si hir Revendicatiounen un d'Politik.
Gemengewalen 2023
De Jean-Claude Franck a Maurice Molitor analyséieren d'Resultater vun de Gemengewalen 2023.
Hännwäsche rett Liewen
Invitéeë sinn zwou Infirmièren: d'Tina Koch, Infirmière an der Psychiatrie, der Infektiounspreventioun an -kontroll an d'Françoise Schmitt, Infirmière an der Infektiouns-Preventioun.
Energiemonitoring mat Smart Homes Do it yourself
Den Olivier Koos an de Lynn Bayer sinn zwee Experten am Beräich Do it yourself Smart Homes an Home Assistants.
Live vum Stater Maart
Kuerz virun de Gemengewale schwätze mir mat Interessevertrieder aus der Stad. Zu Wuert komme Vertrieder aus verschidde Quartieren, ProVelo an de Stater Geschäftsverband.
Geschwëster: "Déi längste Bezéiung, déi mir hunn"
D'Bezéiung ënner Geschwëster ass eng ganz besonnesch, seet d'Nora Van Daele vun der Eltereschoul. Mat Geschwëster léiert ee streiden a sech nees verdroen.
Fukushima: 12 Joer noom Supergau
Als Delegatiounsmember fir Transparenz an Informatioun iwwer nuklear Sécherheet war den Atom Expert, Roger Spautz a Japan, a verzielt wat hien do gesinn huet.
Spezialemissioun vun Iechternach
Historesches, live aus der eelster Stad vum Land. Gespréicher iwwer d'Sprangpressessioun, d'Ausgruewungen ënner der Petite Marquise an iwwer de Park vun der Abtei.
Live vun Esch: Wat bléift vum Kulturjoer 2022 ?
Mir diskutéieren op der Escher Brillplaz mam Artist Serge Ecker, dem artisteschen Direkter vun der Escher Konschthal, Christian Mosar, a mam Escher Kulturschäffen Pim Knaff.
ALAN - am Asaz fir maladies rares
Zwou Invitéeën sinn de Mueren am Studio. Déi nei ALAN Presidentin Anja di Bartolomeo an d'Hannah Hommel, déi mat enger rarer Krankheet lieft.
Liewensmëttel Allergien: Wann iesse krank mécht
Zwou Fuerscherinnen aus dem Luxembourg Institute of Health, LIH: Dr Annette Kühn an Dr Christiane Hilger
