Album vun der Woch
White Denim - 12
11 min

White Denim kënnen engem wierklech e Laachen op d’Gesiicht zauberen. Hir sonneg, mee dacks e bësse vertrackte Musek gëtt vun deenen engen als Southern Rock, vun deenen aneren als Blue Eyed Soul bezeechent, mee si klenge weder wéi ZZ Top nach wéi Simply Red. Donieft spille si hir Instrumenter wéi Championen a fäerten och net, dat ze weisen. Virtuos! Hir nei Plack heescht “12” a bleift an der Kontinuitéit vun hirer Diskografie bis elo, mee net ouni neien Territoire ze erschléissen - an dat ass näischt Schlechtes.
Presentéiert vum
- Marc Clement
Episoden

Foster The People - Paradise State Of Mind
Net méi just e One Hit Wonder, déi amerikanesch Indie-Pop-Band mëllt sech no enger Paus vu siwe Joer mat enger grousser a faarweger Plack.

Hamish Hawk - A Firmer Hand
Seng Lidder erziele Geschichten: De schottesche Singer-Songschreiwer Hamish Hawk begeeschtert mat "A Firmer Hand“, engem Konzeptalbum iwwer queer Bezéiungen.

Generéis bis an de Kär
Meshell Ndegeocello - No More Water - The Gospel of James Baldwin (Blue Note, 02.08.2024)

Alex Izenberg - Alex Izenberg and The Exiles
Op sengem véierten Album verbënnt deen amerikanesche Singer-Songwriter Retrosounds mat philosopheschem Storytelling.

RAH and The Ruffcats - Orile To Berlin
Tëschent Afrobeat a Soul, tëschent Nigeria a Berlin: Den Album "Orile To Berlin“ vun RAH & The Ruffcats passt perfekt an de Summer. Mat derbäi de Lëtzebuerger Perkussionist Jean-Luc Jossa.

Clairo - Charm
70s Soul a gebrachen Häerzer: op hirem drëtten Album “Charm” fënnt déi amerikanesch Musekerin Clairo hiren neie Sound.

Laughing - Because It's True
Laughing ass eng Supergroup aus Kanada, mat Membere vun Nap Eyes, Monomyth, Human Music a Fountains.

Loma - How Will I Live Without A Body
Am verschneiten engleschen Dorset ass den drëtten Album vum texaneschen Trio Loma entstanen. "How Will I Live Without A Body“ ass d‘Aarbecht vun enger Band, déi drop an dru war, ausernaner ze briechen.

Zsela - Big For You
Op hirem Debutalbum “Big For You” verbënnt déi amerikanesch Musekerin Zsela e Mix aus RnB an Indierock mat intimen Texter iwwer d’Léift.

Dumbo Tracks - Move With Intention
Eng eklektesch a kollaborativ Pop-Plack, déi mat ville Gaaschtmuseker:innen zu Köln entstanen ass.

John Grant - The Art of the Lie
Dee fréieren The Czars-Frontmann John Grant verschafft op sengem emouvanten neien Album "The Art of the Lie“ seng komplizéiert Bezéiung zu sengen Elteren – an zu senger Heemecht USA.

Bat For Lashes - The Dream Of Delphi
Deen neien a mëttlerweil sechsten Album vun der brittescher Kënschtlerin Bat for Lashes, op deem si hir nei Mammeroll mat duussen Ambientkläng illustréiert.

Richard Hawley - In This City They Call You Love
Op sengem neien Album "In This City They Call You Love“ setzt de Songschreiwer Richard Hawley senger Heemechtstad Sheffield e musikalescht Denkmal.

La Luz - News of the Universe
La Luz erkämpfe sech d‘Onbeschwéiertheet vu Plack zu Plack méi haart.

Beth Gibbons - Lives Outgrown
D‘Beth Gibbons kennt een als Stëmm vun der 1990er Band Portishead. Mat "Lives Outgrown“ stellt si hiren éischte Solo-Album vir.

Charlotte Day Wilson - Cyan Blue
Op hirem neien Album “Cyan Blue” entdeckt d’Charlotte Day Wilson nees d’Kand a sech selwer a presentéiert een eklektesche Mix aus Balladen an RnB.

Jessica Pratt - Here In the Pitch
Fir hire véierten Album huet déi amerikanesch Singer-Songwriteren eng Schëpp drop geluecht.

Bullion - Affection
Den neien Album vum Produzent Nathan Jenkins.

Lucy Rose - This Aint The Way You Go Out
Krankheet an Ongewëssheet dominéieren den néie Lucy Rose Album “This Ain’t The Way You Go Out”, mee et ass d’Hoffnung, déi sech hei duerchsetzt.
