One World
Transmusicales 2024
56 min
“We intend to cause Havoc”, kuerz Witch, ass eng mythesch Formatioun aus Sambia aus de 70er Joren. Deen neien Album ass “Zango” iwwerschriwwen.
D’Transmusicales vu Rennes stinn nees virun der Dier a gi vum 4.-8. Dezember iwwer déi verschidde Büne vun der bretonescher Haaptstad. Hei en éischte klenge Virgeschmaach op déi eklektesch Programmatioun mat ë. a. der vietnameesescher Grupp Saigon Soul. Baséiert zu Hô Chi Minh-Ville, dëse Grupp gräift d’Pop aus de 70er Joren op, wéi d’Stad nach Saïgon geheescht huet. Och traditionell Instrumenter kommen hei zum Ausdrock wéi den Dàn Nguyêt, e Säiteninstrument aus dem XI. Joerhonnert.
Roshâni ass eng Formatioun vu Genf, geleet vun der Sängerin Roxane Dumont an der Bassistin a Clavieristin Inès Mouzoune. Begleet vum Yavor Lilov op der Batterie fusionéiere si verschidde Stiler a Sproochen a schafen en elektronesche Pop, dee geniert ass vun dëse verschiddene Kulturen. D’Texter si mol op Farsi, Spuenesch a Franséisch. Roshâni, de 4. Dezember op den Transmusicales vu Rennes.
Verde Prato ass de Projet vun der Ana Arsuaga aus dem spuenesche Baskeland. Net wierklech Pop, net wierklech Elektro an och net Folk, mee e bësse vun all deem zesummen an eppes Neies verwandelt.