47 Prozent vun de ronn 485.000 Salariéen hei am Land si Frontalieren. D‘Hallschent dovu kommen aus Frankräich.
Nëmmen all véierte Salariée huet déi Lëtzebuerger Nationalitéit. Déi Zuele publizéiert de STATEC am Kader vum Dag vun der Arabescht, deen iwwermuer um 1. Mee ass.
Wat d‘Awunner ubelaangt, do schaffen 31 Prozent vun de Fraen an Deelzäit, wärend et nëmme 7 Prozent bei de Männer sinn. 8 Prozent vun allen Aarbechtskontrakter hei am Land sinn CDDen, vun deene virun allem déi Jonk betraff sinn. Och vun Zäitaarbecht si virun allem jonk Salariéen hei am Land betraff, sou nach de STATEC.