Prostitutioun “De prostitutionelle System ass Gewalt géint Fraen”

Datt am neie Gesetzprojet iwwert d’Prostitutioun d’Responsabilitéit vum Client iwwerhaapt emol unerkannt gëtt, wier een éischte Schratt, fënnt d’Anik Raskin vum Nationale Fraerot. Dem CNFL no misst allerdéngs d’Prostitutioun prinzipiell a Fro gestallt ginn.

Michel Delage

Anik Raskin.JPG
Anik Raskin

Nëmmen eng “extrem Minoritéit” vu Prostituéierte géif dee Beruff fräiwëlleg maachen, sou d’Anik Raskin am Interview mam Maxi Pesch. Fir d’Vertriederin vum Nationale Fraerot wier ee Gesetz awer net do, fir individuell Fäll ze regelen. ““Mir sinn der Meenung, datt de prostitutionelle System Gewalt géint Fraen ass”. Et wier eng “extrem traumatisant” a “geféierlech” Praktik, déi u sech misst a Fro gestallt ginn.

Am Gesetzprojet, deen d’Regierung viru kuerzem virgeluecht huet, wier “net alles schlecht”. D’Unerkennung vun der Responsabilitéit vum Client wier en “éischte Schratt an déi richteg Richtung”. Anescht wéi dat a Schweden de Fall ass, ginn d’Cliente vu Prostituéierten awer net grondsätzlech bestrooft. D’Anik Raskin mengt, datt wann de Client “Geld hiergëtt, fir e sexuelle Service ze kréien, datt en sech domat an eng Dominatiounssituatioun setzt par rapport zu där Fra, an datt en se ausnotzt”.

“Wéi definéieren ech, wéini eng Persoun vulnerabel ass?”

Positiv wier an der neier Gesetzvirlag, datt d’Confiscatioun vun de Pabeiere vu Prostituéierten ënner Strof gestallt soll ginn. Allerdéngs bléif de Raccolage ëmmer nach strofbar, hei géif d’Gesetz weiderhi géint d’Affer virgoen.

Während bis elo de Client nëmme bestrooft gëtt wann hie Sex mat mannerjärege Prostituéierten huet, soll an Zukunft och keefleche Geschlechtsverkéier mat vulnerabele Persounen illegal ginn. “Wéi definéieren ech, wéini eng Persoun vulnerabel ass?”, gëtt d’Vertriederin vum Nationale Fraerot ze bedenken. De Klient misst sech, dem Projet no, och bewoosst sinn, mat wiem hien et ze dinn huet. Dovun ofgesi wier, an hiren Aen, déi “absolut Majoritéit” vu Prostituéierten an enger vulnerabeler Situatioun.

Schaaft de “schwedesche Modell” dann de Phenomen vun der Prostitutioun of? “Dat wësse mer net”, gëtt d’Anik Raskin zou. Mee “wa mer no där Logik fueren, dann abrogéiere mer eise ganze Code penal”. D’Gesellschaft misst iwwer Gesetz een Zeeche setzen.

An der Mediathéik:

Invité vum Dag / / Maxi Pesch
Lauschteren

Méi zum Thema

Programm

  • Notturno

  • On air

    Virum Dag

  • Moies-Magazin

  • Iwwer Mëtteg

  • Resonanzen

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen