Successioun vum Jeff Neuens Claude Bingen ass neie PJ-Direkter

De 55 Joer ale Police-Regionaldirekter zu Miersch gëtt neie Chef vun der Police Judiciare. Déi zoustänneg Chamberkommissioune ginn den Ament iwwert dee Choix vum Regierungsrot informéiert.

Jean-Claude Franck

Claude Bingen

De 55 Joer ale Claude Bingen huet vun 1994 un während zéng Joer an der PJ geschafft. Zënter fënnef Joer ass hie Police-Regionaldirekter zu Miersch. Virdru war en ënnert anerem Direkter vun der Policeschoul. Um Ufank vu senger Carrière huet hie während zéng Joer am Privatsecteur geschafft.

Délai fir d'Kandidaturen anzereeche war de Méindeg. De Minister Etienne Schneider huet also bannent just e puer Deeg eng Decisioun geholl.

De Posten ass fräi ginn, well de Jeff Neuens huet misse virun annerhallwem Mount demissionéieren. Hie krut vum Minister e Vertrauensbroch virgeheit. Hannergronn ass e Muechtkampf tëscht Justiz a Policedirektioun iwwer d'Kontroll iwwer d'Police Judiciare, sou wéi mer dat de Moie gemellt hunn.

Méi zum Thema

Police-Motorrieder Exklusiv
Zukunft vun der Police Judiciare

Tëscht Justiz a Policedirektioun ginn et Divergenzen, wie wat an der Police Judiciare ze bestëmmen huet. An der Ëffentlechkeet war dat an de leschte Méint keen Thema. An de Kulissen awer schonn.

Programm

Net verpassen

  • 17.4. Riicht eraus: Claude Mangen

    Claude Mangen

    E Bléck an d'Vergaangenheet, an d'Aktualitéit an op d'Zukunft vum Kultursecteur zu Lëtzebuerg mam Direkter vum Mierscher Kulturhaus a President vun der Theaterfederatioun.

Liveticker
Abonéiert eis Newsletter

Dossieren

  • Déi eeleft Editioun vum LuxFilmFest

    Trotz Pandemie gëtt de Luxembourg City Filmfestival organiséiert. Déi 11. Editioun (4.-14. Mäerz) kritt dëst Joer awer eng liicht aner Nues: Filmer ginn deels am Kino deels online gewisen.

  • Drogen a Mënschen

    Zanterdeem et d'Mënschheet gëtt, hunn Droge si begleet. Haut hu vill Drogen e schlechte Ruff. Wisou ass dat esou a wat misst geschéien, fir besser iwwer eventuell Risike beim Konsum opzeklären?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen