LuxLeaks De Masi: D'Steierverwaltung huet d'Recht gedehnt

Dee rezent publizéierte Passage iwwer d'Steier-Rulingen aus dem 18 Joer ale Krecké-Rapport confirméiert, datt de Jean-Claude Juncker matzäiten iwwert déi Steierpraktik gewarnt war, seet de lénken däitschen EU-Parlamentarier Fabio De Masi am 100,7-Interview.

Fabio De Masi.jpg
De lénken Europadeputéierte Fabio De Masi (©Louise Schmidt)

Aus dem Krecké-Rapport vu 1997 géif ervir goen, datt d’Steierverwaltung d’Rulingen deemols scho genotzt huet fir mat multinationale Konzerner wéi um Bazar ze verhandelen a se op Lëtzebuerg ze lackelen. Dobäi ass d’Recht gedehnt ginn, sou de Fabio De Masi. Enger Circulaire no - der eenzeger legaler Grondlag, op déi d’Steierverwaltung sech jorelaang konnt beruffe – sollten d'Virentscheedungen net an der Haaptsaach der Steieroptiméierung déngen.

Näischt Neies, mee eng Confirmatioun

Ënnert dem Stréch wier een also näischt Neies gewuer ginn, mengt de Fabio De Masi. De Passage aus dem Krecké-Rapport géif dat confirméieren, wat zënter de LuxLeaks-Revelatiounen iwwer d'Steieroptiméierung zu Lëtzebuerg bekannt ginn ass.

Wann de Jeannot Krecké dem Jean-Claude Juncker recommandéiert, déi Steierpraktik am A ze behalen, da widdersprécht dat den Aussoe vun de respektive Regierungen, d’Politik géif sech net an d’Steierverwaltung amëschen, sot sengersäits den David Wagner. Fir den Deputéierte vun Déi Lénk hält et fir méiglech, dass déi concernéiert Acteuren aus dem Privatsecteur sech géint een ze vill strikte legalen Encadrement gewiert hunn.

Lénker a Grénger wëllen Juncker nach emol héieren

Déi gréng an déi lénk Fraktiounen am Europaparlament fuerderen iwwerdeems, dass den EU-Kommissiounspresident Jean-Claude Juncker nach emol vun der parlamentarescher Spezialkommissioun gehéiert gëtt. Och d'Mandat vun der Kommissioun "Taxe" misst verlängert ginn, well hir nach ëmmer déi wichtegst Dokumenter virenthale ginn, soe béid Fraktiounen. D'Spezialkommissioun gouf no de LuxLeaks-Revelatioune vun November 2014 an d'Liewe geruff, fir d'Praxis vun der aggressiver Steieroptiméierung an der EU ze analyséieren.

Den Interview vum Michel Delage mam Fabio De Masi:

 

Méi zum Thema

Juncker.jpg
LuxLeaks

De Jean-Claude Juncker seet hien hätt d'Säiten iwwert d'Steier-Rulingen aus dem Krecké-Rapport ni gesinn. Den Auteur vum Rapport, de Jeannot Krecké, seet awer hien hätt dem deemolege Premier an enger anerer Persoun déi Säiten gewisen

Steierpolitik

An der Originalversioun vu sengem Rapport 1997 iwwer d'Steierhannerzéiung huet de Jeannot Krecké der Regierung Juncker geroden, d'Konsequenze vun de Steier-Rulingen am A ze halen

Programm

Net verpassen

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen