Aviatioun Grënn fir Retard bei gemeinsamen europäesche Loftraum

Sträifen um Himmel

Di ugestrieften Harmoniséierung vum Fluchverkéier am Länner-Block, an deem Lëtzebuerg Member ass, huet Verspéidung kritt well di eenzel national Fluchnavigatiouns-Déngschtleeschter no ënnerschiddleche Systemer organiséiert sinn, déi net vun haut op muer kënnen ugepasst ginn. Dat sot eis op Nofro den Direkter vun der “Administration de la navigation aérienne” John Santurbano. D’EU-Kommissioun huet d’Memberstate Lëtzebuerg, Däitschland, Frankräich, Belsch an Holland d’lescht Woch verwarnt. Enn 2012 scho sollten se de Fluchtrafik an hirem gemeinsame Raum harmoniséiert hunn.

Am 100,7-Interview erkläert de John Santurbano, datt di verschidde Loun- a Pensiouns-Strukture vun de nationale Navigatiouns-Déngschtleeschter ugeglach musse ginn. Des weidere misste Compensatiouns-Mechanismen ausgehandelt ginn fir déi Déngschtleeschter, déi wéinst der Reorganisatioun vum Fluchverkéier Iwwerfluchs-Taxe verléieren. Lëtzebuerg ass an deenen Diskussioun’e net “Zünglein an der Waage”, sou den ANA-Direkter.

De Bäitrag vum Michel Delage:

Programm

  • Notturno

  • On air

    Virum Dag

  • Noriichten

  • Moies-Magazin

  • Panorama

Dossieren

  • #chamberleak

    Um Internetsite vun der Chamber waren eng ganz Partie intern a sensibel Dokumenter net adequat geséchert. Duerch d'Editéiere vu Weblinken konnten déi vertraulech Informatioune mat engem normale Webbrowser ofgeruff ginn.

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen