EU-Kommissioun Illegale Steieravantage fir Fiat?

Den italieneschen Automobil-Constructeur Fiat huet zu Lëtzebuerg vun illegaler Staatshëllef profitéiert, well en iwwerdriwwe Steier-Avantagen accordéiert krut. Där Meenung ass d’EU-Kommissioun a fuerdert dowéinst, datt Fiat 20 bis 30 Milliounen Euro Steieren nobezillt. D’Regierung hält déi Decisioun fir falsch, sou datt de Sträit viru Geriicht kéint landen.

Margrethe Vestager
D’EU-Wettbewerbskommissärin Margrethe Vestager

D’EU-Kommissioun hält déi sougenannt Steierrulingen, déi Fiat zu Lëtzebuerg an Starbucks an Holland accordéiert krute, fir problematesch. Déi respektiv Steierverwaltungen hätte komplex Steierkonstrukter guttgeheescht, mat deenen d’Steierlaascht kënschtlech reduzéiert gouf. Aner Entreprise wiere benodeelegt a fir d’EU-Kommissioun ergëtt sech dorausser eng Verzerrung vun der Konkurrenz. D’Conclusioun ass, datt d’Steieravantagen fir eenzel Konzerner eng illegal Staatshëllef duerstellen.

D’EU-Wettbewerbskommissärin Margarete Vestager huet confirméiert, datt d’EU-Kommissioun hir Enquête an anere Fäll, wéi deem vum Lëtzebuerger Steierruling fir Amazon an deem vum iresche Ruling fir Apple, weider féiert. Kloer ass, datt Lëtzebuerg net eleng am Viséier vun der EU-Kommissioun steet. Dowéinst gesäit den CSV-Deputéierten an Geschäftsaffekot Laurent Mosar kee Risiko, datt et no de Luxleaks elo e weideren Image-Schued fir Lëtzebuerg kéint ginn.

Lëtzebuerg kontestéiert

De Finanzminister Pierre Gramegna sot op Twitter, datt Lëtzebuerg mat de Conclusiounen vun der Enquête am Fall Fiat net averstan ass.

De Ruling fir Fiat wier keng illegal Staatshëllef. An engem Communiqué vum Finanzministère heescht et, Lëtzebuerg géing sech all Rechter ophale fir géint dës Decisioun virzegoen. Den DP-Fraktiounschef a President vun der Finanzkommissioun Eugène Berger geet dervun aus, datt Lëtzebuerg e Recours géint d’Decisioun vun der Bréisseler Exekutiv mécht: “Et läit an der Logik, datt ee mat där Decisioun net averstan ass, respektiv déi wäert ufechten, well jo awer an der Vergaangenheet d’Rulinge, déi geholl gi sinn, konform mat de nationalen an europäesche Dispositiounen a Gesetzer waren.”

Datt Lëtzebuerg an dësem Fall e Recours kéint maachen, stéing net am Widdersproch dozou, datt de Grand-Duché sech un den internationalen Efforte géint agressiv Steieroptimiséierung wëll bedeelegen, mengt de Pascal Saint-Amans, Chef fir Steierfroe bei der OECD. “Cela ne remet pas en cause la politique consistant à mettre fin à l’opacité  des rulings (…), à accepter de changer la patent box (…), au fait d’adopter les nouvelles règles de prix de transfert et de changer les traités fiscaux (…).” D’Lëtzebuerger Regierung géing d’Adaptatioun vum legale Kader un déi nei Spillregelen, “ouni Ambiguitéit” ënnerstëtzen, esou de Pascal Saint-Amans.

Méi zum Thema

D’EU-Kommissioun wëll d’LuxLeaks-Dokumenter als sougenannt "Maart-Informatioune" benotzen, déi dann eventuell zu neien Enquête géint Lëtzebuerg kënne féieren

Een internationalen Aktiounsplang géint aggressiv Steieroptiméierung ass schonn ënnerwee a gëtt vu Lëtzebuerg ënnerstëtzt, sou den Direkter fir Steierfroe bei der OECD

D'Regierung huet kuerzfristeg eng Pressekonferenz aberuff, fir Stellung ze huelen zur Publikatioun vun Dausenden Dokumenter iwwer geheim Steieraccorden vu Lëtzebuerg mat multinationalen Entreprisen

D’EU Kommissioun huet Lëtzebuerg gëschter ordonnéiert méi spezifesch Informatiounen ze liwweren, iwwert gewess steierlëch Praktiken, dorënner d’steierlech Arrangementer oder sougenannt “Tax Rulings”.

Programm

Praktesch Infoen

  • 4.6. Generatiounen

    4.6. Generatiounen

    Kiischten a Waasser, Energie am Iessen, de Roger Quaino an d'Operett "Gräfin Mariza"

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen