LuxLeaks Konferenz mam Antoine Deltour

Nodeems eng Konferenz an der Stater Cinemathéik ouni den Antoine Deltour organiséiert gouf, huet d'Asbl Etika de fréiere Mataarbechter vu PricewaterhouseCoopers (PwC) an de CarréRotondes invitéiert. Den Antoine Deltour huet bei PwC honnerten Dokumenter iwwer Steierrulinge fir multinational Konzerner kopéiert, op deenen d'LuxLeaks-Revelatiounen zu engem groussen Deel baséieren. 

Antoine Deltour.jpg
De LuxLeaks-Whistleblower Antoine Deltour

Den Atoine Deltour ass mëttlerweil vum Lëtzebuerger Parquet inculpéiert ginn a riskéiert bis zu fënnef Joer Prisong. Op der Konferenz huet hien seng Motiver erkläert a betount, datt hien d'Dokumenter ugangs dem franséische Journalisten Edouard Perrin vertraulech weiderginn hätt. Dass an engem Reportage am Mee 2012 op France 2 an spéider an de Berichter vum Internationale Journalistekonsortium ICIJ de Numm vu sengem Patron an d'Nimm vun de Clientë public goufen, wier net seng Intentioun gewiecht. Hien hätt wëllen op déi systemesch Problematik vun der aggressiver Steieroptiméierung hiweisen, déi a sengen Aen zu ongerechte Steiervirdeeler fir multinational Konzerner géigeniwwer klengen Entreprisë féiert. Den Antoine Deltour huet bedauert, dass an de Medie gréisstendeels just iwwer Lëtzebuerg an net iwwer den internationale Kontext vun der Steieroptiméierung geschwat gouf.

D'Konferenz mam Antoine Deltour kënnt Dir hei lauschteren:

 

D'Journalistin vum Lëtzebuerger Land Michèle Sinner huet eng ausféierlech Aféierung an d'Thema gemaach an d'Beispill vun Amazon erausgepickt. Den US-amerikanesche Konzern huet säin europäesche Siège zu Lëtzebuerg, bezillt hei awer am Verglach zu sengem Ëmsaz wéineg Steieren. D'EU-Kommissioun ënnersicht den Ament, ob an dësem Fall de Ruling vun der Lëtzebuerger Steieradministratioun effektiv no de Reegele vun der Konscht gemaach gouf.

D'Aféierung vum Michèle Sinner an d'Thematik LuxLeaks a Steieroptiméierung:

Méi zum Thema

ICIJ LuxLeaks Dossier
Steiervirdeeler fir Betriber

En Dossier zur Berichterstattung vum radio 100,7 iwwer d'LuxLeaks-Revelatiounen

D’EU-Kommissioun wëll d’LuxLeaks-Dokumenter als sougenannt "Maart-Informatioune" benotzen, déi dann eventuell zu neien Enquête géint Lëtzebuerg kënne féieren

 

Net verpassen

  • Mam 100,7-Mikro ënnerwee

    Max Feyder

    Eise jonke Freelancer Max Feyder aka Skibi ass an den nächste Woche mam 100,7-Mikro ënnerwee, fir an der Strooss Stëmmungsbiller anzefänken an d'Leit no hirer Meenung zu bestëmmten Theemen ze froen.

Programm

  • Vun 10 bis 2

  • On air

    Vun 10 bis 2

  • Resonanzen

  • Vun 3 bis 6

  • Tockcity

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen