LuxLeaks Kontradiktoresch Aussoen iwwert Krecké-Rapport

De Jean-Claude Juncker seet hien hätt d'Säiten iwwert d'Steier-Rulingen aus dem Krecké-Rapport ni gesinn. Den Auteur vum Rapport, de fréiere Minister Jeannot Krecké, seet awer hien hätt dem deemolege Premier Juncker an enger anerer Persoun déi Säiten gewisen.

Juncker.jpg

De fréiere Premier Juncker sot de Moien am Europaparlament hien hätt de Passage iwwert d’Steier-Rulingen aus dem “Krecké-Rapport” ni gesinn. Deem widdersprécht de Jeannot Krecké am 100,7-Interview: “Ech hunn zwee Leit dat Dokument ginn, an dorënner ass de Jean-Claude Juncker. Mee en huet dat vläit och net an deem Mooss gelies.” Dat entsprécht deem, wat de Jeannot Krecké och schonn am November 2014 sot.

Op engem anere Punkt sinn déi zwee Politiker sech awer Eens: Et wier de Jeannot Krecké selwer gewiescht, deen decidéiert hätt d’Steier-Rulingen a sengem Rapport vu 1997 iwwer Steierhannerzéiung zu Lëtzebuerg net z’erwähnen. An zwar fir international Kritik am Virfeld vun der Lëtzebuerger EU-Semesterpresidence ze verhënneren.

Europadéputéiert wëllen de ganze Rapport

Den EU-Kommissiounspresident Juncker gouf haut zu Bréissel vun der Spezialkommissioun gehéiert, déi sech an der Suite vun de Luxleaks-Revelatioune mam Problem vun der Steier-Optimiséierung vu multinationale Konzerner beschäftegt. Am Kader vun där Enquête fuerdere verschidden Europadeputéiert den Accès zur kompletter Versioun vum Krecké-Rapport. Dozou huet de Jean-Claude Juncker sech net geäussert. Amplaz huet hien erkläert: “Ech wousst net, datt et déi Säit gouf, bis zum Zäitpunkt wéi den Här Krecké et an engem Zeitungs-Interview sot, hien hätt eng Säit aus sengem Rapport net an den offizielle Rapport geschriwwen.” Hien hätt den Auteur vum Rapport och net opgefuerdert, déi Säit virun der Publikatioun erauszehuelen, “well ech wosst jo och net, datt et esou eng Säit géing ginn”.

Hien hätt de Jeannot Krecké gëschter ugeruff fir ze froen, wéi dat deemools gaange wier, esou de Juncker virum EU-Parlament. De fréieren LSAP-Minister hätt him geäntwert: “D’Regierung huet net verlaangt, datt ech déi Säit dem Rapport net bäifügen. Dat war meng Entscheedung.” Dat hat de Jeannot Krecké och am November d’läscht Joer esou am 100,7-Interview gesot. An hie bleift haut bei där Ausso.

Audio:

De Jean-Claude Juncker zum Krecké-Rapport am EU-Parlament de 17. September:

 

 

De Jeannot Krecké am Gespréich mam Pia Oppel:

 

 

 

Net verpassen

  • Mam 100,7-Mikro ënnerwee

    Max Feyder

    Eise jonke Freelancer Max Feyder aka Skibi ass an den nächste Woche mam 100,7-Mikro ënnerwee, fir an der Strooss Stëmmungsbiller anzefänken an d'Leit no hirer Meenung zu bestëmmten Theemen ze froen.

Programm

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen