Preventioun vu Gewalt géint Kanner Kooperatioun am Déngscht vun de Kanner

D'"Association de prévention des sévices à enfants" huet ee Kooperatiounsaccord mat de Lëtzebuerger Spideeler a mam Staatslaboratoire ënnerschriwwen. Et soll méi enk mat de medezinesche Servicer, déi sech ëm Kanner këmmeren, zesummengeschafft ginn.

Carole Schimmer / ys

Valérie Dupong
Valérie Dupong, Vizepresidentin vun der ALUPSE

Virun engem Joer huet d'ALUPSE eng spezialiséiert Kannerdoktesch agestallt, déi mat den Dokteren, Pediateren, Gynekologen, Infirmieren a Hiewanen, regelméisseg Renconteren huet. D'ALUPSE huet zanter Joren ee Bureau am Centre hospitalier dem CHL, wou och den Dokter Roland Seligmann schafft Hien ass de Grënner vun der Associatioun.

Fir déi aner Spideeler gouf et d'Méiglechkeet op d’Servicer ALUPSE-Dialogue an ALUPSE Bébé zréckzegräifen. Duerch deen neie Kooperatiounsaccord géifen déi Interventioune vun der Kannerdoktesch systematesch ginn, esou d'Affekotin Valérie Dupong, Vizepresidentin vun der ALUPSE.

D'Geriichtsmedeziner an d'Kannerdoktesch vun der ALUPSE kooperéiere fir erauszefannen, ob et sech bei engem blesséierte Kand ëm een Accident oder ee Fall vu Kandsmësshandlung handelt. An enger éischter Phase analyséiert d'Kannerdoktesch mat de Pediateren aus der Klinik déi eventuell Affer. Dono kréien d'Legistë vum Staatslaboratoire d'Röntgen an d'Dokumenter iwwerreecht, fir de Fall nach ee mol z'iwwerpréiwen. Si kënnen ee Broch datéieren oder d’Ursaache vun enger Wonn erausfannen.

2015 goufen 300 Kanner suivéiert

D'Associatioun, déi eng Missioun vu Präventioun a vun Encadrement huet, konnt d'läscht Joer 300 Kanner suivéieren. D'Equippe vun ALUPSE Dialogue a Bébé, intervenéieren direkt an de Famillen oder éier de Puppelchen op der Welt ass. D'Zil ass et, un der Bindung tëscht dem Kand an den Elteren ze schaffen. Dacks falen déi Famillen op, wëll d'Kand vernoléissegt gëtt oder wëll et Zeeche vu Mësshandlung opweist.

Zanter dësem Joer huet d'ALUPSE een neien Service fir jonk sexual Täter ze suivéieren. Bis elo gouf et an deem Beräich keng psychologesch Offer. Erfahrungen am Ausland hu gewisen, datt eng fréizäiteg Prise en Charge vu mannerjärege Sexualtäter besser gräift.

Sensibiliséierung ass extrem wichteg

D'Hiewanen hunn deen éischte Kontakt mat der schwangerer Fra a kënnen observéieren ob eng Fra selwer mësshandelt gëtt oder Schwieregkeeten huet eng Bindung mat hirem Kand opzebauen an sech ëm et ze bekëmmeren. Dat sinn Zeechen déi an der Präventioun wichteg si fir Fäll vu Kandsmësshandlung ze verhënneren.

Vum Hierscht u kréien Enseignanten déi am Stage sinn eng nei Formatioun vu véier Stonnen ugebueden. Am Cours gëtt virun allem de Jugendschutz couvréiert. Enseignante sollen déi néideg Informatioune hunn, wann si an hirer Klass mat engem Fall vu Kandsmësshandlung konfrontéiert sinn.


Site vun der ALUPSE: http://www.alupse.lu/

An der Mediathéik:

Invité vum Dag / / Carole Schimmer
Lauschteren

Méi zum Thema

1.JPG
Ligue Médico-sociale

Ass d'Gesondheetskontroll vu Kanner an der Grondschoul duerch d'Ligue wierklech haut nach noutwenneg? "Jo", seet d'Ligue Médico-Sociale. Vill Elteren géifen d'Gesondheet vun hire Kanner negligéieren.

Sandra Visscher
UNICEF-Etude

Eent vu véier Kanner lieft zu Lëtzebuerg ënnert der Aarmutsgrenz. An d'Ongläichheeten tëscht de Kanner wuessen. Dat weist eng UNICEF-Etude. Besonnesch schlecht schneid de Grand-Duché bei der Bildung of.

Programm

  • Spektrum

  • On air

    Ënnerwee

  • Time Out

  • Blue Note

  • Jazz Unlimited - Tom Harrell - Live at the Village Vanguard

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen