BREXIT "Méi negativ wéi positiv Impakter"

Bei engem EU-Austrëtt vu Groussbritannien géifen et fir Lëtzebuerg kloer méi negativ wéi positiv Impakter ginn, esou d’Analys vun der Ekonomistin. Déi gréisste Verloschter géife ganz kloer Groussbritannien selwer treffen. Dobäi wier net nëmmen de britesche Finanzsecteur betraff. Groussbritannien ass déi zweetgréisst Economie an der Europäescher Unioun, mat engem Undeel vun 18 Prozent um Bruttoinlandprodukt vun der EU.

Serge Kesseler

Lynn Zoenen
Lynn Zoenen, Ekonomistin Chambre de Commerce

Groussbritannien ass een immens wichtegen Handelspartner vu Lëtzebuerg an e wichtegen Investisseur, huet d’Economistin ënnerstrach. Et ass déi éischt Adress fir den Import vu Servicer. Groussbritannien ass den zweetwichtegste Partner vu Lëtzebuerg fir Exporter. An der Haaptsaach geet et ëm Finanzdéngschtleeschtungen. Donieft wier Groussbritannien e wichtegen Alliéierte vu Lëtzebuerg bei EU-Verhandlungen zu Finanzplaz-Sujeten: een Alliéierten, dee kéint verluer goen.

Méi qualifizéiert Personal op Lëtzebuerg?

E Virdeel vun engem Brexit kéint sinn, datt auslännesch Investisseure verstäerkt op Lëtzebuerg kommen, well si net méi sou u Groussbritannien interesséiert sinn. Donieft kéint de Grand-Duché an deem Fall qualifizéiert Aarbechtskräften unzezéien, déi de Moment zu London schaffen. Wéi vill Leit op Lëtzebuerg kéinte komme, wier awer net anzeschätzen, esou d’Economistin.

D’Chambre de Commerce huet keen Appell vu Lëtzebuerger Entreprisë kritt, datt si am gaange wiere, sech konkret op e Brexit ze preparéieren. Grouss Affekotecabineten hei am Land hätte sech awer sécher Gedanke gemaach, wéi een Impakt e Brexit op hir Aktivitéite kéint hunn, huet d’Lynn Zoenen gesot.

Bei engem Brexit wier ganz kloer mat gréisseren Turbulenzen op de Bourssen ze rechnen. D’Phase vun Onsécherheeten op den Aktiemarchéë géif doduerch verlängert ginn. Der US-Zentralbank no, kéint souwuel dat britescht Pond, wéi och d’Bourse bis zu 30 Prozent verléieren. Méiglech wier, datt déi europäesch Zentralbank duerch nei Liquiditéite fir Stabilitéit misst suergen.

Domino-Effekt?

Der Economistin no géif de Moment nëmme wéineg op een “Domino-Effekt” hindeiten: bis elo hätt nach keen anere Memberstaat konkret annoncéiert, no engem Brexit d’EU och wëllen ze verloossen.

A Groussbritannien ass haut an enger Woch de Referendum iwwert e sougenannte Brexit. Den aktuelle Sondagen no, hunn d’Supporter vun engem EU-Austrëtt bis zu siwe Prozentpunkte Virspronk.

An der Mediathéik:

Invité vum Dag / / Serge Kesseler
Lauschteren

Méi zum Thema

Finanzdistrikt vu London Analys
Brexit

An engem Mount wielt Groussbritannien. De méigleche Brexit spléckt net just d éi englesch Politik an Gesellschaft. Wéi eng Implikatiounë hätt e Brexit op déi britesch an europäesch Ekonomie?

De Cillia.JPG
Finanzplaz

D’Lëtzebuerger Finanzplaz geet fort vum Bankgeheimnis, esou den ABBL-Direkter Serge de Cillia. Dës Evolutioun an d’Luxleaks féieren zu Restrukturatiounen op der Finanzplaz.

Waltraud Schelkle.jpg
EU-Referendum a Groussbritannien

D'Waltraud Schelkle vun der "London School of Economics" seet, dass ee Brexit negativ Konsequenzen fir de britesche Finanzsecteur hätt. Déi Lëtzebuerger Finanzplaz kéint dovunner profitéieren.

bigstock-British-Prime-Minister-David-C-83473328.jpg
Groussbritannien

Bréissel ass prett fir d'Relatioune mat Groussbritannien z'iwwerdenken. Mee geet dat duer fir d'Briten z'iwwerzeege fir an der EU bleiwen?

Programm

Net verpassen

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen