“Mëschnotzung” um Site Belval Eng Erausfuerderung fir d’Uni

D’Uni ass net den exklusive Locataire vun de Raimlechkeeten um neie Campus, well de Fonds Belval d'Maison du Savoir och als "Centre de conférences" wëll kommerziell exploitéieren. Lo muss nach garantéiert ginn, dass déi verschidden Notzer sech aus de Féiss kommen.

Christiane Kleer / po

luc dahmen.jpg
De Luc Dhamen ass zënter Juni 2015 Direkter vum Fonds Belval.

D’Uni Lëtzebuerg ass just 28 Wochen am Joer exklusive Locataire vun hire Gebaier um Campus Belval. Dat, well de Fonds Belval och e "Centre de conférences" wëll op d’Been stellen. “D’Grondiddi vun all de Gebailechkeeten um Site ass, dass dat super Equipement dat hei steet, soll benotzt ginn”, erkläert den neien Direkter vum Fonds Belval Luc Dhamen.

Baussent de ronn 28 Woche während deenen déi normal Coure sinn, soll d’Uni déi zwielef Auditoirë vun der "Maison du savoir" also mat aneren Acteuren deelen. De groussen Auditoire a mat 750 Plaze ka fir 4.000 Euro den Dag gelount ginn, respektiv fir 2.000 Euro fir en hallwen Dag. Ëffentlech Acteuren, wéi och d’Uni, bezuele kee Loyer.

"D'Uni huet Prioritéit"

De Moment ass wéinst der Lëtzebuerger Presidence EU-Rotspresidence vill Betrib. Fir ze sécher ze stellen, datt sech déi eenzel Acteuren net op d’Féiss trëppelen, sollen d’Reservatioun vun de Säll sollen iwwert en informatesche System lafen, deen de Moment awer nach kleng Startschwieregkeeten huet. Fir déi Concernéiert heescht et, sech méiglechst fréi unzemellen.

De Luc Dhamen betount awer, dass d'Uni “selbstverständlech prioritär ka reservéieren." Fir den Ament ass een sech eenz ginn, dass d’Uni hir Besoinen u Säll fënnef Méint viru Semesterufank matdeelt.

"Fonds Belval muss nach léieren"

De Vize-Recteur vun der Uni seet, hie wier optimistesch, datt sech d’Ëmsetzung vun der "Mëschnotzung" mat der Zäit apendelt. D’Direktioun vum Fonds Belval wäert nach bäiléieren, sou de Professer Eric Tschirhart: “Den Häer Fixmer, dee virdrun Direkter war wosst wéi eng Uni funktionéiert. Den Häer Dahmen ass nei. Ech mengen hien muss och nach verstoen, wéi eng Uni funktionéiert.”

Den Eric Tschirhart huet dem Fonds Belval am Juni an engem Bréif matgedeelt, datt d’Uni dat ganzt am Joer um Belval present ass. D’Examen, d’École doctoralen, Summer Schools oder och Konferenzen, déi vun der Uni organiséiert gi – alles dat spillt sech baussent den 28 Wochen of, wou déi normal Coure sinn.

Bei der Doktoranden-Associatioun Luxdoc gesäit ee kee Problem doranner, datt d’Uni hier Säll deele muss. "Soulaang d'Uni ee gewësse Virrang huet, gesinn ech do generell keng Problemer", sou de Luxdoc-President Romain Decet.

Gesetzleche Kader

An den nächste Woche soll e Gesetzprojet duerch d’Chamber goen, deen dem Fonds Belval seng Missioun als Gérant vun de Gebaier um Site Belval festhält. Doran ass dann och virgesinn, datt de Fong am Kader vun där Missioun Recetten dierf generéieren. Dem Gesetzprojet no, ass et wichteg eng Infrastruktur wéi de Konferenzzenter vun der "Maison du savoir" op eng aktiv a kommerziell Manéier ze exploitéieren.

Méi zum Thema

Rentrée vun der Uni um Campus Belval
Uni Lëtzebuerg

Um Campus Belval feele Plazen, wou ee richtegt Uni-Liewen kéint entstoen. Där Meenung sinn eng Rei Studenten a Professeren vun der uni.lu. D'Initiativ "Beval est à nous" wëll dat änneren.

2200 Studenten si vun dësem Semester un um Campus Belval. Grousse Virdeel fir Studenten an Uni-Personal: Déi wichtegst Infrastrukturen sinn elo op enger Plaz

De Luc Dhamen wëll béi der Waiderentwécklung vu Belval méi op nohaltegt Bauen setzen, an plaidéiert um Site fir en deementspriechend innovativt neit Gebai an der Nohaltegkeet.

Programm

Net verpassen

  • Offre d'emploi: 1 journaliste (m/f)

    Offre d'emploi: 1 journaliste (m/f)

    L'Etablissement de Radiodiffusion Socioculturelle, opérateur de la radio de service public radio 100,7, recrute, pour entrée immédiate ou à convenir, un(e) journaliste sous contrat à durée déterminée pour une durée de 12 mois et à plein temps.

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • CinÉast 2019

    Et ass déi zwieleften Editioun vum CinÉast Filmfestival. Vum 3. bis den 20. Oktober ginn iwwer 65 Featuren a 50 Kuerzfilmer aus 20 Länner aus Mëttel- an Osteuropa gewisen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen