Nationale Pestizideplang Ministèrë schaffen u Verbuet vu Roundup

Ëmweltschutzorganisatioune fuerdere schonn zanter laangem een ambitiéisen "nationalen Aktiounsplang Pestiziden". An e Verbuet vum ëmstriddene Pestizid Glyphosat, méi bekannt ënnert dem Numm Roundup. De Landwirtschaftsminister Fernand Etgen huet dem 100,7 erkläert, datt den Aktiounsplang Pestiziden prett ass. E gouf vu Fachleit aus de Ministèrë vun der Landwirtschaft, der Ëmwelt an der Santé ausgeschafft. Den 11. Abrëll soll e public gemaach ginn.

Pesticides
Glyphosat ass och ënner dem Handelsnumm "Roundup" bekannt ©Defotoberg / Bigstock

D'Zil vum nationale Pestizideplang ass et, den Asaz vu Sprëtzmëttel an alle Beräicher ze reduzéieren. Domadder soll de Schutz vun der Ëmwelt, de Mënschen an den Déiere verbessert ginn. Zanter dem 1. Januar ass den Asaz vu Pestiziden op ëffentleche Plaze verbueden. Privatleit benotzen awer dacks Glyphosat fir Onkraut ze zerstéieren.

Et wären Iwwerleeungen amgaang, fir Roundup fir de private Gebrauch ze verbueden, seet de Landwirtschaftsminister Fernand Etgen. Dofir wär eng gewëss Sensibiliséierung néideg. De Landwirtschaftsministère géif zesumme mam Ëmwelt- a mam Gesondheetsministère um Verbuet schaffen. Och Ëmweltschutzorganisatioune fuerderen ee Verbued vu Glyphosat.

No engem Skandal wéinst der Verseuchung vum Grondwaasser duerch den Herbizid Metazachlor gouf an der Landwirtschaft e Pilotprojet lancéiert. Eng Ofwiesslung vu verschiddene Planzenzorte sollt dofir suergen, datt och de Raps an Zukunft nach kann zu Lëtzebuerg ugebaut ginn, sou de Fernand Etgen. Un dësem Projet wären de Fuerschungsministère, den Ëmweltministère an de Landwirtschaftsministère bedeelegt.

Fernand Etgen

Am nationale Pestizideplang gëtt eng Agenda festgeluecht, awer och konkret chiffréiert Ziler a Punkto Reduzéierung vu Sprëtzmëttel. Iwwerdeems wären obligatoresch Formatioune virgesinn, esou de Fernand Etgen: "Baueren a Wënzer, awer och Betriber mat groussen Terraine sollen duerch eng besser Formatioun responsabiliséiert ginn."

An der Woch vum 11. Abrëll gëtt den Aktiounsplang Pestiziden an den Zeitunge publizéiert. Da kann ee während zwee Méint en Avis dozou ginn. Duerno gëtt gekuckt, ob de Plang nach kann ugepasst ginn.


Audio: Bäitrag vum Carole Schimmer vum 18. Mäerz 2016

Méi zum Thema

Niki Kirsch
Wochemaart

Et rentéiert sech e Stand op engem Maart ze hunn. Och wann d’Konkurrenz wiisst. De President vum Maarteverband iwwer frëscht Uebst a Geméis an iwwert méi héich Produktiounskäschte wéi am Ausland.

Tractor Fertilize Field Pesticide And Insecticide
Landwirtschaft

Zu Bréissel koum et net zu engem Vote iwwert eng eventuell Neizouloossung vu Glyphosat. Wat sinn déi verschidde Meenungen zum ëmstriddenen Herbizid? A wat ass d'Strategie vu Lëtzebuerg?

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Dossieren

  • 76. Filmfestival zu Venedeg

    Zu Venedeg ass déi 76. Editioun vum Filmfestival. Den Tom Dockal ass fir de radio 100,7 op der Plaz. All Dag pickt hie sech ee Film eraus, fir deen da méi genee ënner d'Lupp ze huelen.

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen