Budgetspolitik "Net alles wat Experte soen ass Bibel"

​De Chamberpresident gesäit an, datt d'Roll vun den Deputéierten an der Budgetspolitik ka verbessert ginn. De Mars Di Bartolomeo reagéiert domat op Kritiken, déi eng Ronn vun Experten an de Staatsfinanzen an eiser Emissioun Riicht eraus formuléiert hunn.

Michel Delage / cwi

Mars Di Bartolomeo
De Chamberpresident Mars Di Bartolomeo

D'Chamber géif hirer Kontrollfunktioun an der Budgetspolitik net gerecht ginn. Déi kompetent Staatsverwaltunge misste besser ënnert enee koordinéiert ginn. Institutioune wéi de Comité de prévision an den Nationale Rot vun den ëffentleche Finanze misste méi an d'Opstelle vum Staatsbudget agebonne ginn. Dat waren et puer vun de Kritiken a Suggestiounen, déi de Romain Bausch, de Georges Heinrich an de Serge Allegrezza an der Emission Riicht Eraus zum Ausdrock bruecht hunn.

D'Kritiken, déi spezifesch d'Chamber betreffen, sinn dem Chamberpresident Mars Di Bartolomeo no deelweis berechtegt. Et géif Loft no uewe ginn, och bei der Budgetskontroll. Allerdéngs misst een nuancéieren. D'Chamber kréich an der Tëschenzäit méi Donnéeën an dat Ganzt wier e Léierprozess, esou den LSAP-Politiker. "Ech ka mir virstellen, datt d'Chamber an Zukunft méi ee groussen Afloss op d'Budgetsgestaltung wäert anhuelen."

"D'Wourecht net gepacht"

Ee Joer hätt een elo Erfahrung mam sougenannte Semestre européen gesammelt. Mat deem Kader also, an deem d'Eurozon-Memberstaaten hir Budgetsprozeduren ënnert enee koordinéieren. Elo wéilt een de Bilan zéien, fir eventuell nozebesseren. Jiddefalls wier een um richtege Wee, esou de Chamberpresident.

De Mars Di Bartolomeo betount, d'Experten hätten d'Wourecht net gepacht. "Et waren och Experten um europäesche Plang, déi eis an de leschte Joren eng eesäiteg Austeritéitspolitik proposéiert hunn." Eng Politik vun där een d'Konsequenze géif kennen. "Net alles wat Experte soen, ass Bibel."

Et wéilt een d'Experten a Saache Staatsfinanze méi abezéien, mee d'Rolle mussen dem Mars Di Bartolomeo no kloer verdeelt sinn. D'Aschätzunge vun den Experte wieren nëtzlech, mee et wier un der Politik fir op Basis vun de Chifferen Decisiounen ze huelen.


Bäitrag vum Michel Delage

Interview mam Chamberpresident

Méi zum Thema

Staatsbudget 2017.jpg Riicht Eraus
Staatsfinanzen

D'Chamber gëtt hirer Roll fir d'Iwwerwaachung vum Budget net gerecht, esou d'Konklusioun vun den Ekonomiste Serge Allegrezza, Romain Bausch a Georges Heinrich.

Budget 2017 Dossier
Ëffentlech Finanzen

Artikele ronderëm de Staatsbudget fir 2017, deen den 12. Oktober deposéiert ginn ass.

Programm

  • Spektrum

  • On air

    Ënnerwee

  • Time Out

  • Jazz Unlimited - Fënnef Dammen op der Bühn

  • Jazz Unlimited - RESET 2019

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen