Panama Papers Eng geféierlech Normalitéit

Iwwer 200.000 Bréifkëschtefirmaen an de Verdacht op systematesch Steierhannerzéiung. Iwwer dat wat d'Panama Papers opdecken, wonnert ee sech net méi richteg. Dat ass geféierlech, mengt de Kommunikatiounsberoder a laangjärege Journalist Marc Glesener.

Marc Glesener / po

Meenung Marc-Glesener-1024x682.jpg

Zanter Deeg halen d’"Panama Papers“ weltwäit d’Press an Otem. Ëmmer nei Nimm, Organisatiounen, Firmen an Institutiounen ginn am Kontext vun den Offshore-Aktivitéite genannt, déi den Internationale Journaliste Konsortium opgedeckt huet an elo no an no ëffentlech mécht.

Lëtzebuerg steet dës Kéier net am Mëttelpunkt vun der Affaire. An dach ginn eng Rei Finanzinstituter aus dem Grand-Duché genannt, déi via Panama steierlech Optimiséierung organiséiert hunn. An domat allerdéngs, och dat muss emol gesot ginn, näischt Illegales gemaach hunn.

Net illegal

Mat dem Panama–Dossier stellen sech iwwerhaapt manner Froen am Kontext vun deem, wat erlaabt ass. Erlaabt, gesetzlech net falsch an och am Kader vun deem, wat legal ofgeséchert ass, ass vill méiglech an der Welt vun de Finanzen, den Dividenden an dem décke Goss.

Mat dem Panama-Leak stellen sech menger Meenung no alt erëm méi substantiell Froen. Et si Froen, déi sech wuel déi meeschte Leit stellen, déi fir eng Pei oder ee wirtschaftleche Rendement schaffen a schéi brav an hirem Land Steiere bezuelen. Do, wou si iwwregens och vun deem profitéieren, wat mat de Steieren, also dem ëffentleche Geld gemaach gëtt.

All déi normal Leit  froe sech, wat dat Ganzt iwwerhaapt soll a wat fir ee System sech hei am Laf vun den Joren breet gemaach huet. De verantwortlechen Ëmgank mat Kapital ass längst passé. Datt Gewënner maachen och eng sozial-verantwortlech Komponent muss hunn, gëtt vergiess.

Belaaschtung fir d'Demokratie

Besonnesch schlëmm gëtt et dann, wann och nach déi Leit, déi politesch decidéieren oder wéinst hirer Positioun an der Economie, der Konscht oder am Sport, Virbiller solle sinn, ënner Beweis stellen, datt ëmmer méi Sue maachen dat iewescht Gebot ass.
 
„Dat wonnert mech net“. Wéi oft hunn ech an deene leschten Deeg dëse Saz am Kontext vum Panama-Leak héieren. Jo. Et wonnert ee sech eigentlech net richteg. An dëst ass jo grad esou geféierlech. Do sinn Leit mat hiren Tricken amgaangen, d’Bierger an den Eck vun deenen ze dreiwen, déi mat einfache Konzepter d’Welt manner fräi wëlle maachen. Nu sinn dann zum Gléck och e puer vun dëse Populisten an Antidemokraten ënnert deenen, déi mat der Hand an der Panama-Keess erwëscht ginn. Gutt esou. Et ännert awer näischt dorun, datt méi prinzipiell Froen gestallt an beäntwert musse ginn. Zum Beispill och vun Europa.

An der Mediathéik:

Fräie Mikro / /
Lauschteren

Méi zum Thema

Letzebuerg.jpg

Lëtzebuerg spillt eng Roll am weltwäite System fir Verméigen iwwer de Wee vun Bréifkëschtefirmaen ze verstoppen. Mussen d'Regele méi streng ginn, fir datt dobäi näischt Illegales geschitt?

panama papers.jpg
Panama Papers

Journalisten hunn opgedeckt, wéi Politiker an aner Perséinlechkeeten hiert Verméigen iwwer Bréifkëschtefirmae verstoppen. Och Lëtzebuerg kënnt an de Montagë vun der Etude "Mossack Fonseca" vir.

Programm

  • The Benny Brown Show

  • On air

    Notturno

  • Notturno

  • Virum Dag

  • Moies-Magazin

Net verpassen

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • Kuriositéiten aus der Lëtzebuerger Sprooch

    Si oder hatt? Zwee oder zwou? Domat oder domadder? Lëtzebuergesch ass och fir Mammesproochler net ëmmer einfach. Mir ginn der Saach op de Fong.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen