Affär Luxleaks Parquet geet an Appell général

Nom Uerteel am Luxleaks-Prozess ass de Parquet an Appell général gaangen. Dat huet de Journalist Edouard Perrin, dee fräigesprach ginn ass, dëse Méindeg via Twitter annoncéiert. An éischter Instanz war d'Geriicht manner streng wéi vum Parquet gefuerdert.

Michel Delage

luxleaks
Raphaël Halet, Edouard Perrin an Antoine Deltour

D’Uerteel an éischter Instanz gouf den 29. Juni gesprach. Déi zwee Whistleblower Antoine Deltour a Raphael Halet sinn zu 12 Méint respektiv 9 Méint Prisong mat Sursis a Geldstrofe veruerteelt ginn.

D’Geriicht war manner streng wéi dat, wat de Parquet gefuerdert hat. Am Prozess wollt de Procureur général adjoint David Lentz eng Geldstrof fir de Journalist Edouard Perrin an 18 Méint Prisong - eventuell mat integralem Sursis - fir den Deltour an den Halet.

Dem fréiere PWC-Mataarbechter Antoine Deltour sai Lëtzebuerger Affekot Philippe Penning seet hie wier enttäuscht iwwert dës Entscheedung vum Parquet. Den Appell général géif bedeiten, datt de Journalist Edouard Perrin och nach eng Kéier misst jugéiert ginn. De Maître Penning hätt léiwer gehat, et kéint ee sech am Appell-Prozess eleng op d’Fro vun de “lanceurs d’alerte” konzentréieren.

De Sënn vum Appell général wier et, d'Affär zesummen ze halen, seet de Justizspriecher Henri Eippers. D'Appell-Riichter hätten esou d'Méiglechkeet, d'Affär unhand vun deenen dräi Dossiere besser z'analyséieren. Et géif gekuckt ginn, den Appell-Prozess "relativ séier z'evakuéieren", sou den Henri Eippers. En Datum stéing nach net fest, net äusgeschloss wier Enn des Joers-Ugangs 2017.

Méi zum Thema

LuxLeaks-3.JPG
LuxLeaks

Déi zwee fréier PWC-Mataarbechter Antoine Deltour a Raphaël Halet sinn zu 12, respektiv 9 Méint Prisong mat Surcis veruerteelt ginn. D'Verdeedegung reagéiert mat Onverständnis a geet an Appel.

Deltour.JPG
LuxLeaks

Beim LuxLeaks-Prozess sinn dräi Persounen ugeklot. Wéinst dem illegale Kopéieren a Verdeele vu Steierrulinge riskéiere si eng Prisongsstrof vu bis zu zéng Joer. Wéi ass et zu deem Prozess komm?

Praktesch Infoen

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen