Verfassungsreform Prinzipiellen Accord

D'CSV ass bereet, enger Ännerung vum Artikel 32 zouzestëmmen. Dat fir e Blockage beim Legiferéieren ze verhënneren. Et géing een awer fir d’éischt déi genee d’Propose vun der Regierung ofwaarden.

Art.-32_-1024x664.jpg

Bannent engem Joer – nach virum Referendum iwwert d’Verfassungsreform - kéint den Artikel 32 vun der Verfassung geännert ginn. Deen Artikel leet fest, wéi wäit d’Pouvoire vun der Regierung reeche, wat d’Ausféierungsbestëmmunge vu Gesetzer betrëfft. Der aktueller Interpretatioun no féiert dat dozou, datt grouss Gesetzprojete – besonnesch an der Educatioun - net kënnen ëmgesat ginn.

Op Nofro hi sot eis de CSV-Fraktiounschef Claude Wiseler, seng Partei wär prinzipiell disposéiert fir de betreffenden Artikel ze änneren, fir e Blockage beim Legiferéieren ze verhënneren. Et géing een awer d’éischt déi genee d’Propose vun der Regierung ofwaarden. Dem LSAP-Fraktiounschef a President vun der Chamberkommissioun Institutiounen a Verfassungsrevisioun Alex Bodry no, kéint den Artikel 32 scho bannent engem Joer geännert sinn.

De Bäitrag vum Mick Entringer:

Méi zum Thema

constitution 1868.jpg Dossier
1868-2018

D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Net verpassen

Dossieren

  • Saint-Malo: "Étonnnants Voyageurs"

    Saint-Malo ass déi Plaz, wou déi sougenannt ''littérature-monde'' gefeiert gëtt. Den 100,7 war bei der leschter Editioun vum Festival Étonnants Voyageurs am Juni dobäi.

  • Dossier: Cannabis-Legalisatioun

    Nach am Laf vun dësem Joer soll e legale Kader ausgeschafft ginn, fir e staatlech kontrolléierten Ubau vu Cannabis fir medezinesch Zwecker zu Lëtzebuerg méiglech ze maachen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen