Spidolwiesen Qualitéit no um Patient

Wéinst iwwerfëllten Urgencë musse Patienten nach ëmmer laang waarden, seet d'Catherine Boisanté, medezinesch Direktesch vum CHL. Dofir fuerdert si, datt d'Maisons médicales 24 Stonnen op 24 sollen op sinn. Fir dringend Fäll a wierklech Urgencë wär awer eng séier Prise en Charge garantéiert.

Mick Entringer / cwi

Catherine Boisanté
D'Maisons médicales sollen 24 Stonnen op 24 op sinn, fuerdert d'Catherine Boisanté.

D'Catherine Boisanté plaidéiert fir méi eng staark Ubannung vun den Dokteren un d'Spideeler. Domadder géing eng besser Prise en charge vun de Patienten an e bessert Fonctionnement vun de Spideeler garantéiert ginn. De Centre hospitalier ass dat eenzegt Spidol am Land an deem d'Dokteren als Salariéen agestallt sinn.

Virun engem Joer ass déi nei Maternité opgaangen. Mam neie Konzept "Mère-Enfant" géing de Patient méi an de Mëttelpunkt gestallt ginn, a manner d'Spidol an d’Dokteren. Beim Ëmbau wier d'Maternité mat der Pediatrie verbonne ginn. D'Néonatologie an d'Gebuertssäll léichen elo no beieneen, seet d'Catherine Boisanté. Donieft wier eng permanent Anästhesie-Garde vu 24 Stonnen op 24 agefouert ginn, esou d'medezinesch Direktesch vum CHL.

"Eng grouss an deier Aventure"

Zanter laangem géing den CHL auslännesch Doktere forméieren, ënnersträicht d'Catherine Boisanté. Eng 60 Doktere wieren am CHL am Stage fir sech ze spezialiséieren an 20 Dokteren aus dem Spidol wieren op den Universitéiten als "Maître de stage" unerkannt.

De Projet vun enger Medical School steet zu Lëtzebuerg schonn zënter enger Zäit am Raum. Géing dëse Projet ëmgesat ginn, géing dat bedeiten, datt een sech géigeniwwer de Medezinsstudente bis zum Enn vun hirer Ausbildung engagéiere géing. De Studente misst iwwerdeems den Zougang zu auslänneschen Universitéiten erméiglecht ginn. Éischt Prioritéit vun esou enger Medical school wier e qualitativ héichwäertegen Enseignement, seet d'Catherine Boisanté.

D'Doktesch gëtt awer ze bedenken, datt esou e Projet deier wier. Dofir misst ee Béides consideréieren: de Käschtepunkt an d'Qualitéit vun der Ausbildung.

Am aktuelle Konflikt an de Kollektivvertragsverhandlunge fir de Spidols- a Fleegesecteur ënnerstëtzt d'Catherine Boisanté d'Revendicatioune vum Personal.


Rapport annuel CHL 2015: https://www.chl.lu/fr/rapport-annuel-2015-chl

An der Mediathéik:

Invité:e vum Dag / /
Lauschteren

Méi zum Thema

pit buchler.JPG
Spidolsgesetz

De Collège médical, deen d'Dokteren, Zänndokteren an Apdikter vertrëtt, kritiséiert dat neit Spidolsgesetz. Den aktuelle Projet de loi wäert d'Offer limitéieren, sou den Dr. Pit Buchler.

spidol klinik infirmière
Spidolsgesetz

D'Spidolsgesetz gëtt ëmgeännert. Tëscht der Betterzuel, méi ambulanten Traitementer a Kompetenzzentere sinn eng Rei Neierungen an der Diskussioun. Am Secteur selwer kënnt villes gutt un, mee et gëtt awer och Kritik.

Net verpassen

Programm

Dossieren

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

  • Saint-Malo: "Étonnnants Voyageurs"

    Saint-Malo ass déi Plaz, wou déi sougenannt ''littérature-monde'' gefeiert gëtt. Den 100,7 war bei der leschter Editioun vum Festival Étonnants Voyageurs am Juni dobäi.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen