Brexit "En absoluten Desaster"

An der britescher Haaptstad London wollten iwwer 60% vun de Wieler an der EU bleiwen. Ëmsou méi grouss war de Schock um Freideg de Moien, wéi d’Londoner mat der Nouvelle vum Brexit erwächt sinn.

Pierre Reyland (London) / ckl

london oxford street.jpg
Onverständnis an Ongewëssheet waren e Freideg ënnert de Londoner um Rendez-vous (©Bigstock)

Déi meescht Londoner hate gehofft, datt ee Brexit kéint evitéiert ginn. Mee, si sinn de Moien zwar nees mat besserem Wieder erwächt – gëschter um Dag vum Referendum hat et gereent – mat der Nouvelle vum Brexit huet den Dag fir vill Leit awer net gutt ugefaangen.

Et wier "en absoluten Desaster", a géif déi britesch Natioun vun hirer schlechtster Säit weisen, sou ee Mann an de Stroosse vu London. "Mir stinn als Land do, wat sech wëll isoléieren", bedauert hien. "Déi Leit, déi dat gestëmmt hunn, kréien elo wat se verdéngt hunn".

Hien ass der Meenung datt d’Immigratioun eng decisiv Roll gespillt huet, an de Fait, datt d'Labour Partei sech ni richteg motivéiert hätt, fir hir Wieler ze mobiliséieren.

Angscht virum Boris Johnson als Premier

Wéi et elo viru geet woussten der vill um Freideg de Moien zu London nach net. Een aner Londoner mécht sech Suergen, datt elo eng nach méi anti-europäesch Regierung kënnt – "mam fréiere Londoner Buergermeeschter Boris Johnson als eventuelle Premier".

E weidere Passant, ass awer de Meenung, datt et intressant géif ginn, ze observéieren, wat elo geschitt. "Ech ka verstoen, datt vill Leit schockéiert sinn", seet hien, mee ass optimistesch: "D'EU a Groussbritannien hunn egal wéi eng positiv Zukunft. Déi kréien dat schonn hin".

Reaktiounen aus de Strosse vu London

Méi zum Thema

london.jpg
Referendum a Groussbritannien

Zu London krut Campagne vun deenen, déi fir e Brexit sinn, am Virfeld vum Referendum wéineg Ënnerstëtzung. Déi britesch Haaptstad war an de Sondagen däitlech fir de "Remain". Dofir ginn et eng Rei Erklärungen.

Net verpassen

  • Offre d'emploi: Redakter/Redactrice Web

    radio 100,7

    Den Média de service public 100,7, deen de radio 100,7 bedreift, sicht en/eng neie/nei Redakter/Redactrice fir d'Onlineredaktioun mat engem Aarbechtskontrakt op onbestëmmten Dauer (CDI) fir 40 Stonnen d'Woch.

Programm

Dossieren

  • Chamberwalen 2023

    Am November gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen