Sträit ëm Aarbechtszäit Regierung proposéiert Kompromëss

Mat engem Kompromëssvirschlag wëll d'Regierung elo de Sträit iwwer d'Flexibiliséierung vun der Aarbechtszäit bäileeën. "D'Propose fir eng Reform vum PAN-Gesetz ass esou gutt ewéi prett", sot eis den Aarbechtsminister op Nofro hinn. Den Nicolas Schmit gesäit Patronat a Gewerkschaften de Méindeg 21. Mäerz fir iwwert den Text ze verhandelen. Wat hien de Sozialpartner da proposéiert, wollt de Minister op Nofro hinn net präziséieren. Hie wéilt elo net opginn a géif op eng serieux Verhandlung hoffen.

Pia Oppel

20150618-nicolas-schmit--1024x629.jpg
Nicolas Schmit

Net mat Optimismus, mee mat Realismus, géif hien an déi Reunioun goen, sou de Minister am 100,7-Interview. Bei enger Tripartite-Reunioun virun engem Mount konnte fundamental Oneenegkeeten tëschent de Sozialpartner net aus dem Wee geraumt ginn. Dat virun allem bei der Aarbechtszäitverkierzung an der Verlängerung vun der Referenzperiod (den Zäitraum bannent deem méi flexibel Aarbechtszäiten net direkt als Iwwerstonnen ugesi ginn). D'Pan-Gesetz vun 1999 huet Referenzperioden vun engem Mount agefouert. D'Patronat hätt gäer, datt dës Period op bis zu véier Méint verlängert gëtt.

Kloer wier, datt et net zu enger allgemenger Verkierzung vun der Aarbechtszäit kéint kommen. Den Nicolas Schmit ass géint eng gesetzlech festgeluechte sechst Congéswoch, esou wéi den OGBL se fuerdert. Wann iwwer eng Flexibiliséierung vun der Aarbecht geschwat gëtt, misst een dat zesumme mat enger Aarbechtszäitverkierzung gesinn. Mee dat misst respektiv am spezifesche Kontext gekuckt ginn, an net am allgemengen Aarbechtsrecht.

"Jiddferee muss hei capabel sinn, sech ze beweegen"

D'Ausso vum UEL-Generaldirekter Jean-Jacques Rommes (viru Wochen hei op der Antenn), datt eng Hausse vun de Congésdeeg just iwwer seng Läich géif agefouert ginn, huet den Nicolas Schmit och kritiséiert. "D'Läichen léist een entweder am Keller, am Schaf oder am Beschten huet ee keng. Mir sinn net hei an engem Krich, wou et Läiche gëtt. Jiddferee muss hei capabel sinn, sech ze beweegen."

Wat geschitt, wann et ee Méindeg op en Neits kee Konsens sollt ginn? "Let's cross that bridge when we come to it", äntwert demn LSAP-Minister. Hie géif sech fir ee Konsens asetzen. An da misst ee kucken, wéi et weider geet.

Méi zum Thema

roeltgen.jpg
Riicht Eraus

Den OGBL-President, André Roeltgen, ass net iwwerrascht iwwer d'Resultater vun de rezente Sondagen. D'LSAP misst iwwer hir sozialpolitesch Ausriichtung nodenken. 

Net verpassen

  • 08.12. Klassik Live: L'enfance du Christ

    Berlioz.jpg

    De Philharmoneschen Orchester Lëtzebuerg an d'Gächinger Cantorey an der Philharmonie: De radio 100,7 iwwerdréit de Concert haut den Owend live vun 20:00 Auer un.

Programm

Dossieren

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen