Verfassungsreform Referendumscampagne ouni Verfassungsdebatt?

Riicht Eraus 20150530-Verfassung-DSCF4888-1024x682.jpg
Den Historiker Michel Pauly an d'Juristin Véronique Bruck.

Nieft der Fro nom Auslännerwahlrecht hätt een am consultative Verfassungsreferendum nach weider grondsätzlech Froe misse stellen, sou den Historiker vun der Uni Lëtzebuerg Michel Pauly de Mëtten an eiser Emissioun Riicht Eraus. Als Beispill huet hien d’Fro no der Monarchie genannt.

De Choix vun den dräi Froe vum Referendum de 7. Juni hätt zur Konsequenz, dass et keng Debatt iwwer d’Verfassungsreform als Ganzt gëtt, sou d’Véronique Bruck. D’Juristin bedauert, dass am Kader vun der Reform net geplangt ass, de Bierger d’Recht ze ginn d’Verfassungsgeriicht (respektiv déi zukënfteg Cour Suprême) ze saiséieren. Dat kéint dozou bäidroen, dass eng Verfassungskultur entsteet. D'Politiker wieren net dru gewinnt, dass si net de Monopol vun der Interpretatioun vun der Verfassung hätten.

Et war net d’Intentioun vun der Chamber, fir eng ambitiéis nei Verfassung auszeschaffen, déi gréisser gesellschaftlech Diskussioune verlaangt hätt, mengt de Michel Dormal. D’Bierger kéinten zwar elo um Chambersite “Referendum.lu” Proposë fir zousätzlech Ännerungen un der Verfassung maachen. De Politikwëssenschaftler vun der Uni Tréier hält déi Offer awer fir improviséiert a geet awer net dervun aus, dass deene Proposë Rechnung gedroe gëtt.

De Romain Hilgert huet sengersäits prinzipiell kritiséiert, dass d’Internetforume kee gutt Instrument sinn, fir eng kohärent Verfassungsdebatt: ëmmerhi géif et dobäi net just ëm Idealer, mee och ëm dat politesch Kräfteverhältnis tëscht Interessegruppe goen. Dass d'Regierung verstärkt wëll op Referendume setzen, géif et erméiglechen aner gesellschaftlech Acteuren z'iwwergoen, sou de Chefredakter vum Lëtzebuerger Land.

An der Mediathéik:

Riicht eraus / / Pia Oppel
Lauschteren

Méi zum Thema

constitution 1868.jpg Dossier
1868-2018

D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Net verpassen

Dossieren

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun hire Bierger? Mir weise konkret Beispiller.

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen