Verkéier "Rowdie musse bestrooft ginn"

Ze héich Vitess soll mat Prisong bestrooft ginn. Dat fuerdert de President vun der Sécurité Routière, de Paul Hammelmann. Wien ze séier fiert, géif virsätzlech d'Liewe vun anere Mënschen op d'Spill setzen.

André Duebbers / cwi

Ze séier mam Auto ënnerwee
Foto: Bigstock / lightpoet

Verschidden Infraktioune géingen zu Lëtzebuerg net adequat bestrooft ginn, bedauert de Paul Hammelmann. Mat senger Fuerderung sollen déi Chauffere penaliséiert ginn, déi virsätzlech d’Liewe vun Aneren op d’Spill setzen.

Déi Mesure hätt och e präventive Charakter, mengt de President vun der Sécurité Routière. Si géing et erméiglechen, d'Chauffeuren ze bestrofen, ouni datt fir d'éischt misst e schlëmmen Accident geschéien oder Leit zu schued kéimen. "Esou Rowdie mussen eng adaptéiert Strof kréien, falls si erwëcht ginn. Soss léieren déi ni eppes bäi."

A Frankräich ass et méiglech

Dës "Rowdien" hätten eng "Intentioun een ëmzebréngen". Mee kann een déi Intentioun juristesch noweisen? De Paul Hammelmann ass och Affekot. Hien erkläert, an der franséischer Jurisprudenz wier dat méiglech, well et géing als "Homicide" gewäert ginn.

"Et ass esou datt wann een eppes mécht, dat fir aner Mënsche manifestement geféierlech ass, a bei deem et ëm d'Intégrité physique an ëm d'Iwwerliewe geet, da gëtt een automatesch condamnéiert. Et ass ee censéiert ass ze wëssen datt ee Mënschen a Liewensgefor bréngt." Zu Lëtzebuerg wier d'Gesetzeslag anescht.

Verlooss op d'Radaren?

Den Transportminister François Bausch seet zu der Fuerderung vun der Verkéierssécherheet, datt dat net säi Ressort wier. Et wier um Justizministère, fir de Fall ze préiwen.

Zënter datt d'Radaren operationnell sinn, géingen d'Leit awer generell méi lues fueren, esou dem François Bausch säi Bilan. D'Radaren hätten och e psychologeschen Effekt. Se géingen drun erënneren, datt d'Vitesse-Limitatioune misste respektéiert ginn.

"Egal wéi vill Radaren do stinn, et ass eng Wohltat fir d'Verkéierssécherheet", fënnt och de Paul Hammelmann. Éier d'Radare komm wieren, wier bekannt gewiescht datt Lëtzebuerg e Paradäis fir sougenannte Raser wier. "D'Leit wëssen elo, datt Lëtzebuerg kee rechtsfräie Raum méi ass."

An der Mediathéik:

Land a Leit / / André Dübbers
Lauschteren

Méi zum Thema

jeannot mersch
Sécherheet am Verkéier

Lëtzebuerg ass dat eenzegt Land an der EU, wou d’Zuel vun Doudege bei Verkéiersaccidenter an de leschte Fënnef Joer net zeréckgaang ass. “Mir stinn net gutt do”, sou de Jeannot Mersch.

Automatic radar flashing cars driving too fast
Radaren

Vu Februar 2016 un ginn zwanzeg fix a sechs mobil Radaren op de Lëtzebuerger Stroossen opgestallt. Erklärtent Zil: Liewe retten.

Programm

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Sozialwahlen 2019

    Den 12. Mäerz ware Sozialwahlen. A ronn 3.800 Betriber, an deene méi wéi 15 Leit schaffen, goufen d'Personaldelegatioune bestëmmt. An déi 60 Vertrieder an der Salariatskammer goufen nei gewielt.

Communiquéen

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen