Info Handicap Fir eng besser Inclusioun vu Mënsche mat Behënnerung

Méi Personal an der Regelschoul ass eng vun de Fuerderunge vun Info Handicap. Bei der Reform vun der Fleegeversécherung dierft net op Käschte vun der Autonomie vu Mënsche mat Behënnerung gespuert ginn.

Silvio Sagramola
Silvio Sagramola

Fir, datt d’Inclusioun an der Regelschoul funktionéiert, hätten eleng dëst Joer 40 zousätzlech Poste misste geschaf ginn, esou de Silvio Sagramola. De Direkter vun der Plattform Info Handicap fuerdert méi Ressourcen an de Schoule fir d’Begleedung vu Kanner mat spezifesche Besoinen. Dat wär eng Fro vu politeschem Engagement a vu politescher Responsabilitéit. De Wëlle wär zwar do, mee aus deels historesche Grënn kéim ee just lues virun. Eng Léisung wär, datt d’Education différenciée méi direkt an de Schoulen intervenéiert.

“De Kuch gëtt méi kleng”

Bei Info Handicap mécht ee sech Suergen iwwert d’Reform vun der Fleegeversécherung. Wann d’Qualitéit wéinst Spuermesure géing ofhuelen, géing dat op Käschte vun der Autonomie vun de Leit mat Behënnerung goen. Dat wär stéing am Widdersproch mat der Ursprongsiddi vun der Fleegeversécherung, esou de Silvio Sagramola.
 
Lëtzebuerg ass dat éischt Land, wou de Konzept “Design for all” , an der Regierungserklärung steet. Dat géing Opdriff ginn. “Design for all” bedeit, datt den ëffentleche Raum, Gebaier, mee och Produkter an Déngschtleeschtungen esou gestalt ginn, datt jiddereen se ka benotzen. Onofhängeg dovun ob een eng Behënnerung huet oder net.

Internationalen Dag vu Leit mat Behënnerung

Den 3. Dezember ass den internationalen Dag vu Leit mat Behënnerung. Op esou engem internationalen Dag géif ee méi Opmierksamkeet kréien. Duerno dierften awer net d’Rollueden erofgeklappt ginn, an et dierft een net mengen et géif sech duerno alles vum selwe maachen. "Et ass ëmmer rëm en neien Ufank”, seet de President vun Info Handicap.
 
Leit mat Behënnerunge missten awer selwer och méi revendikativ ginn. “De Staat regelt dat, maacht Iech keng Suergen” - dat wär zu Lëtzebuerg laang de Message u Leit mat Behënnerungen gewiescht. Déi Betraffe misste léieren, och selwer hir Rechter ze revendiquéieren.

An der Mediathéik:

Invité vum Dag / /
Lauschteren

Programm

  • Noriichten

  • On air

    Notturno

  • Virum Dag

  • Moies-Magazin

  • Iwwer Mëtteg

Net verpassen

  • Komponist vum Mount: Ludwig van Beethoven

    Ludwig van Beethoven

    De Ludwig van Beethoven war deen drëtte Ludwig a senger Famill, deen zweete Museker mat deem Numm a bei wäitem de prominentsten. Éiweg krank an dacks onglécklech verléift, war de Beethoven als Mënsch stuer a verbruet, als Komponist rebellesch, onkonventionell a revolutionär.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen