LuxLeaks Uerteel Wien ass Riichter vun der Ethik?

Dem Strofrecht no hätt d'Geriicht net anescht kënnen tranchéieren. Dat ass d'Meenung vum LSAP-Deputéierte Franz Fayot iwwert d'Condamnatioun am Luxleaks-Prozess vun de fréiere PWC-Mataarbechter Antoine Deltour a Raphaël Halet. "D'Lëtzebuerger Justiz hätt kënnen e grousse Schratt maachen, fir de Schutz vun de Whistleblower", seet d'Magali Paulus, d'Spriecherin vum "Collectif Tax Justice Lëtzebuerg".

Mick Entringer / ys

Fayot & Paulus
Franz Fayot a Magali Paulus

D'Geriicht hätt hei d'Hänn gebonnen, et hätt net kéinten anescht uerteelen a sech iwwert d'Strofrecht ewech setzen, esou de Franz Fayot iwwert d'Uerteel vum Luxleaks-Prozess. Dem LSAP-Deputéierten no kéint een dat Uerteel awer interpretéieren als Appell un de lëtzebuergeschen an europäesche Legislateur, fir d'Gesetzer fir de Schutz vun de Whistlebloweren no ze besseren. Selwer mengt de LSAP-Deputéierten, datt et vläicht méi wichteg wär, fir fir d'éischt d'Steierpraktiken nozebesseren, a Bezuch op hir Legalitéit oder Illegalitéit.

Verpasste Chance fir Lëtzebuerg?

"Whistleblower ass eng Technik, déi um Kommen ass", seet de Franz Fayot. Um Niveau vun der CSSF géing et eng Prozedur ginn, wou Employéen illegal Faite kënnen denoncéieren. Dat Uerteel hätt och anescht kënnen ausfalen, mengt hirersäits d'Magali Paulus vum "Collectif Tax Justice Lëtzebuerg". D'Geriicht hätt sech iwwert dat nationaalt Strofrecht kënnen ewech setzen, andeems et sech op d'Jurisprudenz vum Europäesche Geriichtshaff fir Mënscherechter vu Stroossbuerg beruff hätt. An op den Artikel 10 vun der Europäescher Mënscherechtskonventioun.

"D'Lëtzebuerger Justiz hätt kënnen e grousse Schratt maachen, fir de Schutz vun de Whistleblower", seet d'Magali Paulus. Dat Uerteel hätt kennen eng Chance si fir Lëtzebuerg. D'Lëtzebuerger Léigislatioun iwwert Whistleblowere misst onbedéngt nogebessert ginn. D'Magali Paulus plaidéiert fir eng Berodungsstell fir potentiell Lanceurs d'alerte.

Roll vun der Chamber

"Et ass net ongeféierlech d'Moral anzekloen, fir sech iwwert Rechtsnormen ewech ze setzen", seet de Franz Fayot. Mir géifen an engem Rechtsstaat liewen, wou de Riichter sech net einfach iwwert d'Gesetzer kéint stellen.

Am Prozess koum eraus, datt PWC d'Steieraccorden tëscht den Entreprisen, déi PWC vertrëtt an der Verwaltung, selwer op Pabeier vun der staatlecher Verwaltung preparéiert goufen. Datt eng Kooperatioun am industrielle Stil tëscht der Steierverwaltung an dem Auditeur PWC stattfonnt huet, wär net normal an ongeheierlech, seet de Franz Fayot. Dat misst moralesch a juristesch condamnéiert ginn. De LSAP-Deputéierten ënnersträicht, datt déi d'Praxis vun de Steierrulingen an där Zäit einfach Usus waren. Aktuell enquêtéiert d'Justiz net iwwert d'Legalitéit vun där Zesummenaarbecht.

Op d'Fro, ob d'Chamber net misst aktiv ginn, seet de Franz Fayot: "D'Chamber ass kee Geriicht".

An der Mediathéik:

Invité vum Dag / /
Lauschteren

Méi zum Thema

LuxLeaks-3.JPG
LuxLeaks

Déi zwee fréier PWC-Mataarbechter Antoine Deltour a Raphaël Halet sinn zu 12, respektiv 9 Méint Prisong mat Surcis veruerteelt ginn. D'Verdeedegung reagéiert mat Onverständnis a geet an Appel.

ICIJ LuxLeaks Dossier
Steiervirdeeler fir Betriber

En Dossier zur Berichterstattung vum radio 100,7 iwwer d'LuxLeaks-Revelatiounen

 

Net verpassen

  • Mam 100,7-Mikro ënnerwee

    Max Feyder

    Eise jonke Freelancer Max Feyder aka Skibi ass an den nächste Woche mam 100,7-Mikro ënnerwee, fir an der Strooss Stëmmungsbiller anzefänken an d'Leit no hirer Meenung zu bestëmmten Theemen ze froen.

Programm

  • Vun 10 bis 2

  • On air

    Noriichten

  • Resonanzen

  • Vun 3 bis 6

  • Tockcity

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen