De radio 100,7 Archiv Erlieft a Verzielt: Marcel Mart

Am September 2005 war de Carlo Link fir seng Emissioun Erlieft a Verzielt beim Lëtzebuerger Affekot, Journalist a Politiker Marcel Mart op Besuch. 1927 zu Esch-Uelzecht gebuer, ass hien am November 2019 verstuerwen. De fréiere fräie Mataarbechter vum Wocheblat Land, deen eigentlech Dokter wollt ginn, schwätzt iwwer seng Kandheet, säin Elterenhaus a beschreift, wéi et zu deenen eenzelen Etappen a sengem gutt gefëllte Beruffsliewen koum, ë. a. war de Marcel Mart vun 1969-1977 Energieminister.

Marcel Mart
Foto vum Caroline Mart

Dee gebiertegen Escher (1927), Jurist vu Formatioun, hat sech an de Joren 1955-60 als éischte Redakter an der internationaler Agence Europe fir Wirtschafts-, politesch a Finanz-Informatiounen zu engem brillanten Expert an dëse Beräicher entwéckelt. Niewent Funktioune bei der CECA an diversen europäeschen Institutiounen a Vertriedungen zu Bréissel an New York, gouf de Marcel Mart 1969 vum Gaston Thorn an d'Regierung Werner-Schaus geholl. Vun 1969-77 war hie Minister mat de Portefeuillë Wirtschaft, Mëttelstand, Tourismus, Transport an Energie.

Zanter 1977 Member vun der Cour des Comptes des Communautés Européennes, mat der Direktioun fir d'Kontroll am Beräich vun der Entwécklungshëllef, gouf de Marcel Mart 1984 zu hirem President gewielt. Weider Funktiounen, déi hien hat, waren am Déngscht vum Grand-Duc, ë. a. vun 1990-93 als Maréchal de la Cour. De Marcel Mart, deen nach President vun de Foires internationales war, koum 1990 an de Verwaltungsrot vun der Banque Générale du Luxembourg, wou hie vun 1993 bis Mee 2005 de President war.

De fréiere fräie Mataarbechter vum Wocheblat Land Marcel Mart, deen eigentlech Dokter wollt ginn, schwätzt iwwer seng Kandheet, säin Elterenhaus a beschreift, wéi et zu deenen eenzelen Etappen a sengem gutt gefëllte Beruffsliewen koum.

Eng Emissioun vum Carlo Link vu September 2005. Am November 2019 ass de Marcel Mart verstuerwen.

Programm

Net verpassen

  • Annonce: Recherche d'un chef de la programmation

    Gebai vum radio 100,7

    L'Etablissement de Radiodiffusion Socioculturelle, opérateur de la radio de service public radio 100,7, recherche 1 chef de la programmation (m/f) pour contrat à durée indéterminée et à temps plein.

Dossieren

  • Déi eeleft Editioun vum LuxFilmFest

    Trotz Pandemie gëtt de Luxembourg City Filmfestival organiséiert. Déi 11. Editioun (4.-14. Mäerz) kritt dëst Joer awer eng liicht aner Nues: Filmer ginn deels am Kino deels online gewisen.

  • Drogen a Mënschen

    Zanterdeem et d'Mënschheet gëtt, hunn Droge si begleet. Haut hu vill Drogen e schlechte Ruff. Wisou ass dat esou a wat misst geschéien, fir besser iwwer eventuell Risike beim Konsum opzeklären?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen