De radio 100,7 Archiv Erlieft a Verzielt: De Prof. Pierre Drauth (1925-2017)

Am Januar 2004 huet de Carlo Link e Professer aus dem Stater Conservatoire, Komponist an Organist besicht. De Professer Pierre Drauth, 1925 gebuer an 2017 gestuerwen, huet villes aus senger Kandheet verzielt, mee och wéi hien den Zweete Weltkrich materlieft huet. Wärend dëser Zäit huet de Pierre Drauth nämlech seng éischt Sonat komponéiert.

Prof. Pierre Drauth

De Pierre Drauth war vun 1958-1989 Professer fir Solfège, Piano, Uergel an Harmonie am Stater Conservatoire. Nieft verschiddenen Organisteplazen am Land war hien als Komponist ganz aktiv. Dem jonke Museker seng éischt Kompositioun ass an de Krichsjoren entstanen. Weider huet de Pierre Drauth eng grouss Zuel vu Vokal- an Orchesterwierker, esou wéi Uergelwierker geschriwwen. Duerch seng Klasse sinn eng Rei Schüler gaangen, déi eng professionell Karriär an der Musek ageschloe hunn. De Prof. Drauth verzielt iwwer säi Liewe mat der Musek, wéi och iwwer säi Kontakt als Organist mat der international unerkannter Virtuosin op der Uergel, der Jeanne Demessieux (1921-1968).

Programm

Praktesch Infoen

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen