Kannerkëscht "MathemaTIC", en T-Rex an eng Botterschmier
Mat Rechnen oder mat Mathematik op eng spilleresch ëmgoen, dat ass d'Zil vun der Plattform mathematic.lu. D'Frauke an de Filip sinn haut Invitéeën an der Kannerkëscht. Da schwätzt de Philippe aus dem Naturmusée iwwer ee Liblingsthema vu ville vun iech, nämlech Dinosaurier. An d'Michèle vum Fond National de Recherche erkläert eis, firwat eng Botterschmier déi vum Dësch fält, ëmmer op der Bottersäit lant.
Nei Mathematik-Plattform
D'Mathematik mécht Spaass, dat héiert ee wuel net esou dacks, ass awer wouer. A wéi een elo op eng flott an interaktiv Manéier ka mat Zuelen hantéieren, dofir steet d'Plattform MathemaTIC.
D'Frauke an de Filip vum Script erklären iech déi ganz vill Méiglechkeete vu mathematic.lu. An wann dir Froen hutt, kënnt dir si och direkt iwwer d'E-Mail mathematic@script.lu erreechen.
Dinosaurier am Naturmusée
Wann dir dat Wuert Dinosaurier héiert, da spëtzt dir bestëmmt direkt d'Oueren an dir wëllt wëssen, ëm wat et geet. Dinosaurier sinn dach esou eppes Intressantes an och wa se scho viru ronn 65 Millioune Joer ausgestuerwe sinn, intresséiere sech Mënschen och nach haut dofir.
De Philippe Jeitz aus dem Naturmusée erzielt iech vun den Dinosaurier, a seet iech och wat dir ronderëm d'Dinoen alles am Naturmusée kënnt fannen.
Experiment mat enger Botterschmier
An och dës Kéier ass d'Michèle vum Fond National de Recherche op Besuch mat enger Affär, déi dir bestëmmt schonn all erlieft hutt. Huelt emol un, dir hutt iech eng Botterschmier gemaach, an déi fält vum Dësch - dann ass et bal sécher, datt d'Schmier um Buedem natierlech op der Bottersäit lant.
Mee firwat ass dat esou? D'Michèle huet dozou en Experiment.
An domat vill Freed mat der 100,7-Kannerkëscht!
Méi zum Thema
E Concours fir jonk Journalisten, de Maulef an e Glas dat net iwwerleeft
Wat wëll ee spéider emol a sengem Liewe maachen? Vläicht ass Journalist ginn eng Méiglechkeet, an dofir gëtt et och e Concours. D'Françoise aus dem Naturmusée weess esou munches iwwer de Maulef, e ganz wichtegt Déier an der Natur. An de Mister Science huet e Glas, dat net iwwerleeft wann een eppes dra schëtt.
Den Hierscht, en Apel an de Max a Moritz
Dem Kalenner no huet den Hierscht elo ugefaangen. An der Kannerkëscht schwätze mir iwwer d'Blieder am Hierscht, iwwer en Apel an e Messer, an iwwer dem Wilhelm Busch seng Geschicht "Max und Moritz".
