Kannerkëscht Uhu, de Vull vum Joer
All Joer gëtt zu Lëtzebuerg e Vugel ausgewielt, deen den Titel vum "Vull vum Joer" kritt. An dëst Joer ass dat den Uhu.
Salut alleguerten! Iwwer de Vugel vum Joer gëtt e Joer laang nach e bësse méi geschwat. Esou solle vill Leit dee Vugel kenne leieren an nach besser oppassen, fir deen ze schützen.
Meeschtens ass dat e Vull, deen hei zu Lëtzebuerg méi rar ass, also deen et net méi esou vill gëtt. Méi iwwer de Vugel vum Joer verréit Iech d'Joy Mentgen aus dem natur musée.
An dir hutt iech bestëmmt och schonn eng Kéier gefrot, firwat de bekannte Pesch vun der Mark "UHU" esou heescht, oder? Den Numm kënnt och tatsächlech vum Vugel Uhu. An de Grond ass, datt fréier eng ganz Rei Marke fir Bürosmaterial hiren Numm no engem grousse Vugel erausgewielt hunn. Esou zum Beispill "Pelikan", benannt no engem grousse Waasservugel mat engem risege Schniewel. Oder Schwan, e schéine wäisse Vugel, deen et och bei eis hei zu Lëtzebuerg gëtt.
Vill Spaass beim Lauschteren.
Méi zum Thema
Wantergeschicht: Et tockt beim Wanja an der Nuecht
An dëser Geschicht vum Dan Tanson stinn den Hues, de Fuuss an de Bier am Mëttelpunkt. An engem schlëmme Schnéistuerm fannen den Hues, de Fuuss an de Bier friddlech ënnerdaach am Wanja sengem Haus.
Chrëschtdag uechter d'Welt, dem Wim Hof säin Trick a Rendéieren
Op der ganzer Welt waarden d'Familljen op Chrëschtdag, well dat eben d'Fest vun der Famill a vun der Léift ass. Mee gëtt dann Chrëschtdag iwwerall d'selwecht gefeiert?
