Konschtausstellung D'Luxembourg Art Week huet hir Dieren hallef opgemaach

De 7. November war an de Victor Hugo Halen um Lampertsbierg Preview, also Prévernissage, vun der fënnefter Luxembourg Art Week. 65 international Galerië si bei dëser Editioun mat dobäi, an der Vente hu se haaptsächlech Tableauen. Obschonn et sech deen Owend ëm eng Zort Generalprouf fir de Weekend vun der Art-Week gehandelt huet, ware scho vill Leit an den Halen ënnerwee: de Premier Xavier Bëttel, d'Kulturministesch Sam Tanson, esouguer de Grand-Duc Henri.

Kerstin Thalau / cbi

Luxembourg Art Week
Foto: Luxembourg Art Week

De Grand-Duc Henri huet nees wéi d'Rou a Persoun gewierkt: hien hat méi wéi een Ouer fir Explikatiounen, huet sech, zesumme mat der Sam Tanson an dem Jo Kox, vum Art Week Initiator Alex Reding duerch d'Hale bei verschidde Galeriste guidéiere gelooss.

De Premier hat e wéineg méi spéit ee méi stramme Schrëtt drop, wousst iergendwéi vum selwen, wou hien hi wéilt. Mee u sech goung et jo net ëm si, oder? Dem Alex Reding no sollten dach d'Kënschtler am Mëttelpunkt stoen.

International Kënschtler

D'Molerin a Musekerin Catherine Lorent, déi Lëtzebuerg 2013 op der Biennale vu Venedeg vertrueden hat, déi tëschent Berlin a Lëtzebuerg pendelt, stellt am Espace Take off, am "Polarraum" vun Hamburg dräi kleng Formater zum Thema Heraldik a Musikverherrlichung aus, a si engagéiert sech an informéiert um Stand vun der AAPL, d'association des artistes plasticiens du Luxembourg.

An der Sektioun First Call presentéiere sech eng éischte Kéier international Galerië mat interessante Projeten. De wäitsten Trajet hat d'Adrian Ibanez Galeria aus Kolumbien, bon: si si vu Kolumbien aus op d'Foire vu Lissabon gereest, dono op d'Foire zu Bréissel, an elo d'Art Week.

Et huet een Zäit

Déi véier Kënschtler, déi d'Galeria matbruecht huet, tendéieren zu der Figuratioun, grouss Differenze sinn am Zäitalter vun der Globalisatioun eigentlech net auszemaachen. Mee Hoppla, do war och d'Malgorzata Nowara, Conservatrice vun der Section des Beaux Arts vun eisem Nationalmusée. Op enger kommerzieller Konschtfoire?

D'Kënschtlerin Catherine Lorent wäert déi nächst dräi Deeg an Häppercher maachen. Si ass un der Hand verletzt, muss souwisou mat der Konscht méi lues maachen, kann dofir méi observéieren.

An der Mediathéik:

Kultur / / Kerstin Thalau
Lauschteren

Méi zum Thema

Daniel Wagener
Art Week

Den Daniel Wagener huet an de Victor Hugo Halen eng Foto-Konschtinstallatioun opgeriicht, déi vum Public och als Atelier genotzt ka ginn. D'Kerstin Thalau huet sech mat him ënnerhalen.

Mudam
American Friends of Mudam

D'Asbl American Friends of Mudam sicht an Amerika no finanzieller Ënnerstëtzung an no Donateure vun zäitgenëssescher Konscht. De Konschtsammler Raymond J Learsey huet en Don vu 16 Konschtwierker gemaach.

Programm

  • Virum Dag

  • On air

    Moies-Magazin

  • Iwwer Mëtteg

  • Resonanzen

  • Spektrum

Net verpassen

  • Komponist vum Mount: Ludwig van Beethoven

    Ludwig van Beethoven

    De Ludwig van Beethoven war deen drëtte Ludwig a senger Famill, deen zweete Museker mat deem Numm a bei wäitem de prominentsten. Éiweg krank an dacks onglécklech verléift, war de Beethoven als Mënsch stuer a verbruet, als Komponist rebellesch, onkonventionell a revolutionär.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen