Invité am Moies-magazin "D'Saachen di kengem eppes zu Leed, net wéi d'Mënschen"
De Fall vun der Berliner Mauer war och ee Wonner fir säi Liewen: den Ostberliner Schrëftsteller Jochen Schmidt iwwer seng Kandheet an der DDR, seng Virléift fir Géigestänn a Lëtzebuerger Schantercher.
Hie wier kaum Schrëftsteller ginn, wann d'Berliner Mauer net den 9. November 1989 gefall wier, sot de Jochen Schmidt am 100,7-Interview. Op deem historeschen Dag hat de gebiertegen Ostberliner säin 19. Gebuertsdag gefeiert. D'lescht Woch war hien hei am Land, op Invitatioun vum Institut Pierre Werner.
Zanter dem Joer 2000 verëffentlecht de Jochen Schmidt Bicher: Romaner, Kuerzgeschichten, Saachbicher. Bekannt gouf hien 2008 mat sengem Essai "Schmidt liest Proust", engem ganz perséinleche Bericht iwwer seng Lektür vum monumentale literaresche Klassiker "A la Recherche du temps perdu".
Seng Renommée hat de Jochen Schmidt mat senge literaresche Wierker "Schneckenmühle" a virun allem "Zuckersand" verfestegt. Den Alldag an der fréierer DDR ass säi grousse Sujet. Besonnesch d'Géigestänn aus deem Alldag wierken op hien, wéi d'Madeleine beim Marcel Proust: si léisen de Prozess vun der Erënnerung aus.
A sengem leschte Roman "Ein Auftrag für Otto Kwandt" (C.H. Beck) geheit de Jochen Schmidt e satiresche Bléck op d'Verhältnis tëschent Politik an Architektur.
An der Mediathéik:
LauschterenMéi zum Thema
Eng Famill, wéi eng kleng DDR
Fir oder géint de Regime, bannent enger Famill: dat hat de Maxim Leo virun zéng Joer a sengem autobiographeschen Essai "Haltet euer Herz bereit. Eine ostdeutsche Familiengeschichte" (Heyne) thematiséiert.
