Lëtzebuerger Buchpräis 2019 D'Shortlist vum Buchpräis ass bekannt

De Jury vum Lëtzebuerger Buchpräis huet d'Shortlist fir d'Editioun 2019 publizéiert. De Lëtzebuerger Buchpräis belount de 14. November 2019 d'Bicher, déi hei am Land publizéiert goufen an dat an dräi verschiddene Kategorien.

Bicher

Am Virfeld vun de Walfer Bicherdeeg (16. a 17. November) presentéiert d'Federatioun vun de Lëtzebuerger Bicherediteuren eng Longlist vun lëtzebuergesche Publikatiounen. All Joer gëtt dann e Jury genannt, dee sech zesummesetzt fir an dräi Kategorien eng Shortlëscht ze erstellen an och d'Gewënner ze bestëmmen. D'Gewënner an den dräi Kategorien (Kanner- a Jugendbuch, Literatur a Sachbuch) ginn de 14. November zu Walfer virgestallt an ausgezeechent. De grousse Public kritt awer och d'Geleeënheet hir Stëmmen ofzeginn an e Wierk mam Publikumspräis auszezeechnen.

Kanner- a Jugendbuch

  • "De Schmunzel" Jhemp Hoscheit/Carle Schneider E. Guy Binsfeld
  • "So mol, Lobo" Christiane Kremer/Vincent Biwer Kremart
  • "12 Gutt-Nuecht-Geschichten" Sonja Lux-Bintener Editions Phi
  • "La fée cabossée" Beatrice Laca Ruffie Kiwi ELG
  • "Wie geeschtert a menger Kichen erëm?" Tuire Siirainen/Judith Paskin PersPektiv Editions

Literatur

  • "Zweemol schwaarze Kueder" Gast Groeber Op der Lay
  • "Wir sehen uns in Venedig" Georges Hausemer/Susanne Jaspers CapyBaraBooks
  • "Les Bulles" Tom Reisen Editions Hydre
  • "Sabotage" Jeff Schinker Editions Hydre
  • "Les Parasols de Jaurès" Lambert Schlechter E. Guy Binsfeld

Sachbuch

  • "Mit den Haien streiten" Anthologie CapyBaraBooks
  • "Victor Hugo à Vianden" Yves De Smet Editions PHI
  • "Dizzy on the road" Ralph Diseviscourt Revue
  • "Paleo" Nathalie Meier-Hottua Editions Schortgen
  • "Charly Schmalspurbahn Lux-Echternach" Jean-Paul Meyer Editions Klopp

Am Jury vum Lëtzebuerger Bicherpräis sinn: Anita Gretsch (Autorin), Claude Kremer (CNL), Angelika Bräutigam (Mierscher Lieshaus), Michel Delage (radio 100,7) a Jacques Welter (Cropmark)

Méi zum Thema

BNL
Bibliothéik

Dat neit Gebai vun der Nationalbibliothéik huet hir Dieren dem grousse Public opgemaach. Zéng Joer huet d'Planifikatioun a fënnef Joer d'Konstruktioun gedauert. D'Valerija Berdi huet Andréck aus dem neie Gebai.

Valerija Berdi
Frankfurter Buchmesse

Et ass dat zweet Joer, wou de Kulturministère Lëtzebuerger Literatur op der Frankfurter Buchmesse matdréit. D'ALAC an d'Federatioun vun de Lëtzebuerger Bicherediteuren organiséieren de Stand dëst Joer.

Bicherpräis
Lëtzebuerger Buchpräis 2019

Zanter 2006 vergëtt de Verband vun de Lëtzebuerger Bicherediteuren de Lëtzebuerger Buchpräis. Elo koum d'Longlist eraus fir de Präis, deen am Kader vun de Walfer Bicherdeeg vergi gëtt.

Kremart Kollektioun 5 2
Lëtzebuerger Literatur

Edition Kremart huet eng nei Rei am Programm. Timba heescht dës Kollektioun. Déi éischt fënnef schmuel Bichelcher sinn um Maart. Wat verstoppt sech hannert Timba? D'Valerija Berdi huet bei der Christiane Kremer nogefrot.

Bibliothéik
Nationalbibliothéik

Am Dezember soll déi nei Nationalbibliothéik um Kierchbierg opgoen. Mat enger moderner Architektur sollen d'Leit an d'Bibliothéik ugezu ginn, fir d'Wëssen an d'Kultur méi attraktiv ze maachen.

Programm

Net verpassen

  • Haut den Owend live aus der Philharmonie

    Schubert a Rossini

    De Franz Schubert an den Gioacchino Rossini: Béid Komponisten hunn der Musekswelt Wierker hannerlooss, déi si net méi fäerdeg kruten. Dat ass de roude Fuedem vum Concert mam Philharmoneschen Orchester Lëtzebuerg en Donneschdeg, den 12. Dezember 2019, deen de radio 100,7 vun 20:00 Auer u live aus der Philharmonie iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen