Filmkritik Duelles vum Olivier Masset-Depasse

Leschte Samschdeg war zwar kee Grousse Kino um Radio programméiert, mee eis Cinephil sinn awer an de Kino gaangen. Den Tom Dockal zum Beispill war sech "Duelles", en onscheinbare belschen Thriller op de Lampertsbierg an den Utopia ukucken.

Tom Dockal / cbi

Duelles
Foto: IMDb

Wéi amerikanesch Suburbs an den 1950er a 60er ausgesinn hunn - dat weess jiddwereen, deen emol deen ee Film oder déi aner Serie gesinn huet: "Blue Velvet", "American Beauty", "The Ice Storm", "Mad Men", mee och eng sëlleche Filmer vum Hitchcock oder vum Douglas Sirk. Wat déi opgezielte Wierker verbënnt? Et sinn alles amerikanesch Produiten.

Zwou Familljen, déi matenee verbonne sinn

"Duelles" - de véierte Long métrage an drëtte Kinosfilm vum Olivier Masset-Depasse weist awer, datt déi amerikanesch Notioun vum Suburbia och an der Belsch erëmzefannen ass. An engem Duebelhaus wunnen zwou Famillen, déi an hirer Konstellatioun kéinten aus "Mad Men" erausfalen. An där enger Hallschent wunnt d'Alice mat Mann a Fils, an där anerer d'Céline mat Mann a Fils.

Déi zwou Famille si sech no, näischt schéngt se ze trennen - ausser vläicht d'Heck, déi déi zwee Familljegäert trennt. Mee och déi Heck huet e Lach, duerch dat déi zwee Jongen duerchkommen. Enges Daags fält d'Ongléck iwwer d'Famill vum Céline. De Bouf kënnt bei engem onglécklechen Accident ëm d'Liewen.

Foto: IMDb

Datt d'Frëndschaft vum Alice a vum Céline nom Verloscht vum Kand net déi nämmlecht wäert sinn, dat läit op der Hand. Et ass alles am Titel. "Duelles". D-u-e-l-l-e-s. Duel an Elles. Si.

Parallellen zu anere Filmer

Si zwee, dat sinn zwou bekannte belsch Schauspillerinnen. Déi flamännesch Veerle Baetens ass eng éischte Kéier mam "Broken Circle Breakdown" vum Felix Van Groeningen opgefall an d'Anne Coesens huet schonn x-mol mam Masset-Depasse zesummegeschafft.

D'Baetens gëtt richteg Betty Draper Vibes of. D'Coesens huet eppes vum engem Douglas Sirk-Personnage. Iwwerhaapt ass esou zimlech alles am Film filmhistoresch op iergendee Film oder Filmemaacher zeréckzeféieren.

Et bleift een am Däitschteren

De Thriller vun engem Kaz a Maus Spill, dat de Masset-Depasse lasstrëppelt, huet psychologesch Usätz vun Hitchcockianeschem Charakter, deen esou am "Notorious" oder "Shadow of a Doubt" erëmzefannen ass. Wie war et? Oder war et iwwerhaapt een? Ass et net just eng onugebruechte hysteresch Paranoia, déi d'Personnagen undreift? De Realisateur léisst de Spectateur iwwer laang Strecken am Däischteren, bis iergendwann dann awer d'Kaarten um Dësch sinn, an de Film explodéiert.

Et huet een esou e Konstrukt also scho gesinn. De Film spillt also bewosst mat filmesche Coden, hëlt sech bei allem Camp awer eng Grimmel ze eescht. Eng Portiounschwaarz Komik hätt där ganzer Affär gutt gedoen. Virun allem, well d'Kameraaarbecht, d'Kostümer an allgemenge Production Design déi Technicolor 50s Ästhetik bis hannewidder opdréit.

Wat wëllt de Film?

Bei deem ganzen intertextuelle Filmgeknäips riets a lénks weess de Film net ganz, wat e wëllt sinn. Eng psychologesch Etüd iwwer d'Maternitéit mat Thrillerelementer oder en dreckege B-Movie, dee sech fir näischt ze schued ass.

D'Schauspiller wiere bei allem dobäi gewiescht. Dat gesäit een hinnen och beim Film esou schonn un. "Duelles" bleift esou ganz kuerzweileg, mee d'Plus value fir esou e Worf vu Film bleift éischter kleng.

An der Mediathéik:

Kultur / / Tom Dockal
Lauschteren

Méi zum Thema

Avengers: Endgame Filmkritik
Avengers: Endgame vum Anthony & Joe Russo

Den Tom Dockal huet sech an eng ausverkaafte Seance vun "Avengers: Endgame" gedréckt kritt. De ganze Weekend war alles ausverkaaft. De Film liwwert dat of, wat ee sech erwaart, esou säi Fazit.

Dumbo Filmkritik
Remake vun engem Klassiker

Den Tim Burton ass mat senger markanter Handschrëft och engem Grand publique bekannt. Hie versicht sech mat Dumbo, een Animatiounsklassiker aus dem Disney-Katalog ze reinterpretéieren.

Lupita Nyong'o as Adelaide Wilson doppelgänger Red in "Us,". Filmkritik
Us vum Jordan Peele

Dem Jordan Peele geléngt e Film, deen engersäits héichkomplex an anerersäits Grand public à mort ass. D'Schauspiller an d'Filmmusek sinn immens an d'Beach Boys hunn ee vun de gréissten Optrëtter iwwerhaapt.

Happy Death Day 2 U Filmkritik
Film

Oscaren hin oder hier, leschte Mëttwoch ass nieft der Selektioun, déi am Grousse Kino beschwat gouf, nach en Horrorfilm ugelaf: "Happy Death Day 2U". Den Tom Dockal ass léiwer dat kucke gaangen, wéi d'Oscar-Zeremonie mussen ze kucken.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Dossieren

  • 76. Filmfestival zu Venedeg

    Zu Venedeg ass déi 76. Editioun vum Filmfestival. Den Tom Dockal ass fir de radio 100,7 op der Plaz. All Dag pickt hie sech ee Film eraus, fir deen da méi genee ënner d'Lupp ze huelen.

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen