Demandez au président Een Text, dee beweegt

Eng gefaange Journalistin an de President vum Burundi. E Gespréich tëscht zwee ganz verschidde Mënschen, mat verschiddene Liewen, verschiddene Virstellungen, verschiddene Positiounen. Dem Rafael Kohn säin Text "Demandez au president" ass am TNL gelies ginn.

Valerija Berdi / cbi

Rafael Kohn
Fir dem Rafael Kohn säin Text huet eis Kulturjournalistin vill Luef iwwreg. Foto: Archiv.

Et war e kuerzen awer ganz intensive Moment am TNL mat der Brigitte Urhausen an dem Michael Ojake .

Eng Journalistin an e President. E President vun engem Land, iwwer dat mir am Duerchschnëtt net vill wëssen. De President vum Burundi, e Land tëschent Ruanda an der Demokratescher Republik Kongo. Eent vun den äermste Länner op der Welt, gezeechent vun engem bluddegen an éiwege Wee an d'Onofhängegkeet.

Op richtege Leit baséiert

De Rafael Kohn huet sech fir säin Text um burundesche President Pierre Nkurunziza an den zwee Journaliste Jean-Phillippe Rémy an Phil Moore inspiréiert.

De franséische Journalist, dee fir déi franséisch Dageszeitung Le Monde schreift an de fräischaffende britesche Fotograf waren am Januar 2016 am Burundi festgeholl ginn an hiert Aarbechtsmaterial gouf confisquéiert. Op dëser Virlag ass den Text vum Rafael Kohn opgebaut. E Gespréich tëschent dem President an enger Journalistin.

Wat ass d'Wourecht?

Wat dem Rafael Kohn mat dësem Text geléngt, ass en anere Bléck: net just op déi fir Europäer dacks onverständlech Situatioun a villen afrikanesche Länner ze geheien, mee och eis Berichterstattung ze hannerfroen. Wat sinn déi universell Wäerter a wat bedeite se. Dora fillen sech virun allem d'Europäer grouss Experten, mee kënne Wäerter och anescht ausgeluecht, anescht betruecht ginn?

Kann een, wann een esou Ënnerschiddleches erlieft huet, wann een en aneren Hannergrond - historesch, geographesch, klimatesch, ekonomesch, familiär - huet, um selwechte Wee zu der selwechter Erkenntnis kommen? A wéi eng Roll spillt de Westen, spillen d'Medien? Wat vermëttelen si a virun allem firwat a wéi maachen si dat? Wou ass d'Wourecht?

Eng nei Perspektiv

Déi ganz ënnerschiddlech Point de Vuë ginn op der Bühn nach duerch aner Facteuren ënnerstrach: Mann a Fra, Däitsch an an Englesch, Europäer an Afrikaner.

Een Text, dee beweegt, dee beréiert, deen opwullt, ganz am Stil vun engem Milo Rau oder engem Henning Mankell - an hei ass net de Kommissar Wallander gemengt - geléngt et dem Rafael Kohn eng Perspektiv ze schafen, déi irritéiert, well se kee vereinfacht Bild erlaabt, kee schwaarz a wäiss, kee Gutt a Béis.

Demandez au président ass e Stéck, dat een hoffentlech nach emol héiere, gesinn oder liese kann.

An der Mediathéik:

Kultur / / Valerija Berdi
Lauschteren

Méi zum Thema

Valerija Berdi
Buch-Tipp fir de Summer

A senger drëtter Novell bitt de Gast Groeber engersäits den akribesche Groeber-Stil, anerersäits iwwerrascht den Auteur mat ongewéinlecher Situatiounskomik, och wann d'Story u sech net witzeg ass.

Orphée au pays des mortels.jpg
Theater

D'Theaterschoul Yolandin invitéiert op "Orphée au pays des mortels", eng skurril an aussergewéinlech Neiinterpretatioun vum mytheschen a mythologesche Personnage Orpheus. E Stéck vum Jean Portante am TNL.

Theater
"Die Vielen"

"Die Vielen" ass den Numm vun engem neie Mouvement an Däitschland, bei deem Kënschtler sech géint Attacke vu riets wieren. Dëse Mouvement setzt sech fir eng oppe Gesellschaft ouni Ausgrenzung an.

Marc Olinger
25 Joer 100,7

De Marc Olinger ass sécher ee Mënsch, deen hei zu Lëtzebuerg den Theater wéi kaum en anere markéiert huet. 2015 ass de Marc Olinger vill ze fréi gestuerwen. De Jean Claude Majerus erënnert sech.

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen